अक्षय गवळी 

अकोला : एकीकडे विधानसभा निवडणुकीसाठी मतदान होत आहे. तर दुसरीकडे अवैधपणे दारू विक्री सुरु असल्याचे लक्षात येताच पोलिसांनी मोठ्या प्रमाणात दारू साठा जप्त केला आहे. तर पोलिसांनी दोन जणांना ताब्यात घेतले आहे.  

राज्यात विधानसभेसाठी आज मतदान होत आहे. सकाळपासून मतदानाला सुरवात झाल्यानंतर आज मतदानाच्या दिवशी अवैध दारूचा मोठा साठा (Akola News) अकोला जिल्ह्यात जप्त करण्यात आला. अकोला जिल्ह्यातील पातूर शहरात अवैध दारू विक्री होत असल्याची माहिती पोलिसांना मिळाली होती. या माहितीच्या आधारे पोलिसांनी सदर ठिकाणी धाड टाकत कारवाई केली आहे. पोलिसांनी धाड टाकल्यानंतर तेथे दारूचा साठा मोठ्या प्रमाणात आढळून आला.  

पोलिसांनी केलेल्या कारवाईत दारूची वाहतूक करणाऱ्या दोघांसह एक वाहन ताब्यात घेतले आहे. दरम्यान अकोला पोलिसांच्या स्थानिक गुन्हे शाखेने पातूर शहरात ही कारवाई केली असून ७७ हजाराची दारु साठ्यासह एकत्रित नऊ लाखांवर मुद्देमाल जप्त केला आहे.