सचिन जाधव | पुणे
अजित पवार गटाचे आमदार निलेश लंके शरद पवार गटात जाणार, अशा चर्चा सध्या राजकीय वर्तुळात आहेत. निलेश लंके आजच शरद पवार गटात प्रवेश करतील, अशी माहिती देखील विश्वसनीय सूत्रांकडून मिळत आहे. सध्याच्या राजकीय चर्चांवर अजित पवारांनी सूचक वक्तव्य केलं आहे.
निलेश लंकेने चुकीची भूमिका घेऊ नये, असं मला वाटतं. काल माझ्या भेटीला आला होता. त्याच्या डोक्यात काही लोकांनी खासदारकीची हवा घातली आहे, असं अजित पवार यांनी म्हटलं आहे.
निलेश लंके असा पक्ष सोडून जाऊ शकत नाही. त्याला राजनामा द्यावा लागेल, असं त्याला मी सांगितलं आहे, असंही अजित पवार यांनी सांगितलं. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
निलेश लंकेला पक्षात मी घेतलं होतं. निलेशला मनापासून आधार मी दिला होता. निलेश लंकेला मोठ्या प्रमाणात मी मदत केली. लंकेच्या डोक्यात काहींनी खासदारकीची हवा घातली आहे. पण वास्तविक तसं नाही. निलेश लंके पारनेरपुरतंच काम करू शकतो. बाकीच्या मतदारसंघात तो समजतो तेवढं सोपं नाही. मी सांगायचं काम केलंय, असं अजित पवारांनी म्हटलं आहे. (Latest Marathi News)
निलेश लंके शरद पवार गटातील प्रवेशाबाबत अजूनही स्पष्टपणे बोलण्यास टाळत आहेत. आज निलेश लंके यांच्या 'मी अनुभवलेला कोविड' या पुस्तकांचं शरद पवार याच्याहस्ते प्रकाश होणार आहे. पुस्तकाच्या प्रकाशन सोहळ्यासाठी निलेश लंके पुण्याला निघाले आहेत.
त्याआधी निलेश लंके यांच्या घराबाहेर तुतारी वाजवण्यात आली. अनेक कार्यकर्ते आमदार निलेश लंके यांच्या घराबाहेर गोळा झाले. यावेळी वेळ आणि काळच उमेदवार ठरवेल, असं सूचक वक्तव्य निलेश लंके यांनी केलं आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.