ही भाषा तुम्हाला एखाद्या गुंडाची वाटत असेल....पण नाही.. हे आहेत सत्ताधारी राष्ट्रवादीचे आमदार इद्रिस नायकवाडी.. त्यांनी गावगुंडाप्रमाणे थेट संजय राऊतांची जीभ हासडण्याची भाषा करुन महाराष्ट्राच्या राजकारणात भाषेचा घसरलेला स्तर दाखवलाय...मात्र या वादाची सुरुवात झाली ती भारत पाक मॅचमुळे... अजित पवारांवर टीका करताना संजय राऊतांचा तोल सुटला..

अजित पवार राज्याचे उपमुख्यमंत्री.. मात्र त्यांचा एकेरी उल्लेख करत त्यांना थेट अर्धा पाकड्या म्हणत संजय राऊतांची जीभ घसरली....आता राऊतांवर टीका करण्यासाठी अजित पवारांच्या राष्ट्रवादीचे आमदार इद्रिस नायकवाडी यांनी तर थेट कळसच गाठला...आणि संजय राऊतांची जीभ हासडण्याचीच भाषा केली.

खरंतर महाराष्ट्राला यशवंतराव चव्हाण, एस एम जोशी, प्र. के अत्रे यांच्या राजकीय सुसंस्कृतपणाचा इतिहास आहे....मात्र गेल्या काही वर्षात कमरेखालची भाषा वापरुन राजकारणातला टीकेचा स्तर खालावत चालल्याचं चित्र आहे,. त्यामुळे जसा नेता तसा कार्यकर्ता म्हणीप्रमाणे आमदार, खासदारांकडे बघून कार्यकर्ते तसंच वागत असतात.. त्यामुळे आता पुन्हा महाराष्ट्राला यशवंतरावांच्या विचारांचा वारसा सांगणारे अजित पवार आपल्या आमदाराला समज देणार का? हा खरा प्रश्न आहे,..