रत्नागिरी- जिल्ह्यातील ग्रामपंचायतीच्या पोटनिवडणुकीचा कार्यक्रम जाहीर

जिल्ह्यातील ११४ ग्रामपंचायतीमधील रिक्त १७४ पदांसाठी निवडणूक

रिक्त पदांसाठी २८ एप्रिलला होणार निवडणूक, ग्रामपंचायत हद्दीत आचारसंहिता लागू

प्रशासनाकडून निवडणूक प्रक्रियेला सुरुवात, निवडणूक पूर्ण होईपर्यंत आचारसंहिता

- भोंदूबाबा अशोक खरात आणि सनदी अधिकाऱ्यांच्या एकत्रित जागेची आयकर विभागामार्फत चौकशी सुरू

- नाशिकच्या पाथर्डी शिवारात 40 गुंठे जागेत सनदी अधिकारी अभिजीत भोंडे पाटील यांची पत्नी आणि भोंदूबाबा अशोक खरात याची मुलगी यांचा एकत्रित सातबारा आला आहे समोर

- भोंदू अशोक खरात प्रकरणात नवा वाद उफाळला

- SIT प्रमुख तेजस्विनी सातपुते यांना हटवण्याची मागणी

- माहिती अधिकार कार्यकर्ते दीनानाथ काटकर यांचे मुख्यमंत्री, गृहमंत्री आणि पोलीस महासंचालक यांना पत्र

भोंदूबाबा अशोक खरातची कोठडी आज संपणार आहे.

मगरपट्टा येथील कालवा फुटी प्रकरण

कालव्याच्या दुरुस्तीसाठी लागणार चार ते पाच दिवस

काल सकाळी मगरपट्टा येथे उजवा कालवा फुटक्याने लाखो लिटर पाणी वाया

आता चार ते दिवस कालवा बंद असल्याने उन्हाळी आवर्तनावर होणार परिणाम

खडकवासला येथून कालव्यातून थेट इंदापूर पर्यंत पाणी देण्यात येते

यामध्ये बारामती , दौंड,हवेली भागातील सिंचनासाठी पाणी देण्यात येते

मात्र आता याचा परिणाम शेतीवर होणार आहे

दुसरीकडे पुणे शहरातील पाणी पुरवठ्यावर याचा परिणाम होणार नसल्याचा दावा करण्यात आलाय

धाराशिव जिल्हा परिषदेच्या सभापती पदाची निवड 27 मार्च रोजी होणार आहे. त्याआधीच महायुतीतील तिन्ही पक्षाकडून मोर्चे बांधणी सुरू आहे.

माथेरानमधील श्रमिक रिक्षा संघटनेने प्रलंबित मागण्यांसाठी बेमुदत उपोषण पुकारले आहे. सर्वोच्च न्यायालयाच्या आदेशानंतरही ई-रिक्षा वितरणात होत असलेल्या दिरंगाईच्या निषेधार्थ हा निर्णय घेण्यात आलाय.

धाराशिव जिल्हा परिषदेत सभापती पदावरून महायुतीमध्ये रस्सीखेच

धाराशिव जिल्हा परिषदेच्या सभापती पदाची निवड 27 मार्च रोजी होणार असून,त्याआधीच महायुतीतील तिन्ही पक्षाकडून मोर्चे बांधणी

सभापती पदासाठी शिवसेना,भाजप आणि अजित पवार गटाची राष्ट्रवादी काँग्रेस यांच्यात जोरदार रस्सीखेच सुरू

विशेष म्हणजे,अध्यक्षपद न मिळाल्यामुळे शिवसेनेला महत्त्वाची सभापती पदे मिळावीत,अशी सावंत गटाची भूमिका

दरम्यान,चर्चेत असलेल्या फॉर्म्युल्यानुसार भाजपकडे दोन सभापती पदे,तर शिवसेना आणि राष्ट्रवादी काँग्रेसला प्रत्येकी एक पद मिळण्याची शक्यता

या घडामोडींमुळे धाराशिव जिल्हा परिषदेत पुन्हा एकदा सत्तासंघर्ष पेटला असून 27 मार्चची निवडणूक निर्णायक ठरणार आहे

आता सभापती पदाची अंतिम निवड कशी होते आणि कोण बाजी मारतो, याकडे संपूर्ण जिल्ह्याचे लक्ष लागले आहे

राष्ट्रवादी पक्षाचे अध्यक्ष शरद पवार आज एक दिवसाच्या नागपूर दौऱ्यावर

माजी खासदार आणि ज्येष्ठ नेते दिवंगत दत्ता मेघे यांच्या कुटुंबियांचे सांत्वन करण्यासाठी शरद पवार नागपुरात पोहोचतील

शरद पवार दुपारी 3:30 च्या सुमारास विशेष विमानाने मुंबईहून नागपूर विमानतळावर पोहोचतील

तेथून ते थेट खामला परिसरातील मेघे यांच्या निवासस्थानी जाऊन त्यांच्या कुटुंबीयांची भेट घेतील

सांत्वन भेटीनंतर ते पुन्हा मुंबईकडे रवाना होतील

भोंदू अशोक खरातकडून ट्रस्टवरील विश्वस्तांची फसवणूक झाल्याची माहिती

शिवनिका संस्थानच्या स्थापनेवेळी अभ्यासिका, CBSC शाळा, गो शाळा सुरू करण्याचं दिलं होतं आश्वासन

धार्मिक कार्यासोबतच सामाजिक आणि शैक्षणिक कार्यात ट्रस्ट काम करणार असल्याचं चित्र उभं केलं

मात्र १५ वर्षात बाबाची संपत्ती आणि कारनामे वाढले मात्र इतर उपक्रम सुरूच केले नाही

टाटा इंडिकापासून सुरू झालेला त्याचा 'कार'नामा थेट मर्सडीजपर्यत गेल्याचा स्थानिकांचा दावा

येत्या काही दिवसात शाळेत पोषण आहार शिजवण्यासाठी सिलेंडरची टंचाई भेडसावण्याची शक्यता निर्माण झाली आहे अद्याप पर्यंत सिलेंडरची मागणी प्राप्त झाली नाही. खबरदारीचा उपाय म्हणून यवतमाळ शिक्षण विभागाने थेट शिक्षण संचालकांना पत्र पाठवून शाळेच्या सिलेंडरवर तोडगा काढावा अशी मागणी करण्यात आली आहे.

भोंदूबाबा अशोक खरातची पोलीस कोठडी आज संपणार

खरातला आज न्यायालयात करणार हजर

आतापर्यंत 6 महिलांनी खरातच्या विरोधात दिली लैंगिक अत्याचाराची तक्रार

नाशिकच्या सरकारवाडा पोलीस ठाण्यात खरात विरोधात लैंगिक अत्याचाराचे 6 गुन्हे दाखल

या प्रकरणात अनेक धक्कादायक खुलासे झाल्यानं अधिक तपासासाठी पोलीस पुन्हा खरातची पोलीस कोठडी मागण्याची शक्यता

तर आणखी पीडित महिला तक्रारीसाठी पुढे येण्याची देखील शक्यता

वाशिमच्या मानोरा शहरातील एका कापड दुकानातून भर दिवसा आरोपी महिलेने आपल्या लहान मुलाचा वापर करून नागरिकांचे लक्ष विचलित करत पर्समधील 44 हजार रुपये रोख रक्कम आणि एक मोबाईल चोरी केल्याच्या घटनेत वाशिम च्या स्थानिक गुन्हे शाखेने एक या महिलेला ताब्यात घेत 44 हजार रुपये रोख आणि एक मोबाईल जप्त केलाय... ही चोरीची घटना सीसीटीव्ही कॅमेऱ्यात कैद झाली होती.

लोणावळ्यातील कार्ला एकविरा देवीच्या चैत्र यात्रेच्या निमित्ताने मावळ प्रशासन सज्ज झाले आहे. यात्रा सुरळीत पार पाडण्यासाठी मावळ तहसीलदार विक्रम देशमुख यांच्या सह; पुणे ग्रामीण पोलीस दलातील लोणावळा ग्रामीण पोलीस सज्ज झाले असून, यात्रेदरम्यान सीसीटीव्ही कॅमेऱ्याची करडी नजर असणार असून कडेकोट पोलीस बंदोबस्त ठेवण्यात येणार आहे. भाविकांची गर्दी नियंत्रित करण्यासाठी हार-फुलांच्या दुकानांना मागे हलवण्यात आले आहे. जेणेकरून पायऱ्या मोकळ्या राहतील. कार्ला फाटा ते गडपायथा दरम्यान जड वाहनांना पूर्णतः बंदी असेल. भाविकांना गडावर फटाके नेण्यास मज्जाव करण्यात आला असून, शोभेचे आणि रंगांचे फटाके नेण्यासही बंदी घालण्यात आली आहे. तर जुन्या पुणे मुंबई महामार्गावरील अवजड वाहनांची वाहतूक देखील यात्रा काळात बंद ठेवण्यात आली आहे. ही चैत्री यात्रा धार्मिक उत्साहाने साजरी करण्यासाठी प्रशासनाची संपूर्ण तयारी पूर्ण झाली आहे.

काल सोमवारी रायगड जिल्हा परिषदेच्या सभापती निवडीची प्रक्रिया पार पडली. रायगड जिल्हा परिषदेची निवडणुकीत महायुतीचे घटक पक्ष असलेले भाजप, राष्ट्रवादी आणि शिवसेना हे पक्ष आमनेसामने होते. प्रत्यक्ष निवडणुक प्रक्रियेत आमनेसामने असणारे हे पक्ष रायगड जिल्हा परिषदेच्या सत्तेत एकत्र आले आहे. अध्यक्ष पद भाजप, उपाध्यक्ष पद राष्ट्रवादीकडे गेले. सभापती पद वाटून घेताना दोन सभापती पद शिंदेसेनेला, एक सभापती पद भाजपला आणि एक सभापती पद राष्ट्रवादीला देण्यात आल आहे. काल झालेल्या सभापती पदाच्या निवडीचे वेळी मंत्री भरत गोगावले, आ. महेंद्र दळवी, माजी आमदार अनिकेत तटकरे उपस्थित होते. सर्वपक्षीय नेत्यांनी नवनिर्वाचित सभापतींच स्वगत करून शुभेच्छा दिल्या. रायगडमध्ये विरोधी पक्ष राहिला नाही अस सांगताना राज्य आणि केंद्रातील महायुती प्रमाणे रायगडमध्ये सरकार चालेल अशी प्रतिक्रिया नवनिर्वाचित सभापती चंद्रकांत कळंबे यांनी दिली.

- तपासादरम्यान सापडलेले पुरावे आणि अन्य गुन्ह्यांसंदर्भात खरातची चौकशी

- आज आणखी महिला तक्रारदारांनी खरात विरोधात लैंगिक अत्याचाराची तक्रार दिल्यानं खरातवर अधिकाऱ्यांकडून प्रश्नांची सरबत्ती

- महिलांवरील लैंगिक अत्याचारासोबतच खरातचे आर्थिक व्यवहार, मालमत्ता आणि व्यावसायिक भागीदारांसंदर्भात चौकशी केल्याची माहिती

- उद्या खरातची पोलीस कोठडी संपत असल्याने त्याला न्यायालयात हजर केलं जाणार

इंधन दरवाढीची शक्यता तसेच पुढील काळात इंधन उपलब्ध होणार नाही, अशा अफवांमुळे नागरिकांनी मोठ्या प्रमाणात पंपाकडे धाव घेतली. दुचाकी, चारचाकी वाहनांसह ड्रम घेऊन आलेल्या नागरिकांच्या लांबच लांब रांगा लागल्याचे दृश्य...

अनपेक्षित गर्दीचा परिणाम वाहतूक व्यवस्थेवरही झाला असून परिसरात काही ठिकाणी किरकोळ वाहतूक कोंडी निर्माण झाली. परिस्थिती नियंत्रणात ठेवण्यासाठी पंप प्रशासनाने अतिरिक्त कर्मचाऱ्यांची नेमणूक करत इंधन वितरण सुरळीत ठेवण्याचा प्रयत्न केला.

प्रशासनाकडून नागरिकांनी कोणत्याही अफवांवर विश्वास न ठेवता संयम राखावा, तसेच अनावश्यक गर्दी टाळावी, असे आवाहन करण्यात येत आहे..

पेट्रोल मिळणार नाही ही फक्त अफवा पेट्रोल पंप चालक

शहरातील काही पंप पेट्रोल नसल्यामुळे बंद

काही पेट्रोल पंप वर पेट्रोल शिल्लक असल्याने पेट्रोल भरण्यासाठी नागरिकांनी मोठी गर्दी केली

पेट्रोल कंपनीचे पॉलिसी बदलल्याने गाडी पेट्रोल घेऊन उशिराने येणार पेट्रोल पंप चालक