वर्ध्यात ऑरगॅनिक शेती करणाऱ्या शेतकऱ्यांसाठी बाजारपेठ उपलब्ध करणार

पालकमंत्री पंकज भोयर यांचे शेतकऱ्यांना बाजारपेठकरिता जागा उपलब्ध करण्यासाठी जिल्हाधिकाऱ्यांना निर्देश

जिल्ह्यात मोठ्या संख्येने ऑरगॅनिक शेती करत असून बाजारपेठ उपलब्ध करण्याची शेतकऱ्यांनी केली होती मागणी

जिल्हास्तरीय कृषि, पशुसंवर्धन व मिनी सरस वर्धीनी महोत्सवाचे पालकमंत्री पंकज भोयर यांच्या हस्ते उद्घाटन

उमेदच्यावतीने उत्पादित वस्तूंच्या विक्रीसाठी संकेतस्थळाचा शुभारंभ

कोल्हापूर महापालिकेच्या महापौरपदाचे आरक्षण निश्चित झाल्यानंतर आता महापौर आणि उपमहापौर निवडीचा मार्ग मोकळा झाला आहे. ३० किंवा ३१ जानेवारी रोजी नूतन नगरसेवकांची पहिली विशेष सभा होण्याची शक्यता असून, महिनाअखेरपर्यंत शहराला नवे महापौर मिळणार आहेत. महापालिकेने सभेसाठीचा प्रस्ताव विभागीय आयुक्तांकडे सादर केला असून, आज किंवा रविवारी तारीख व वेळ निश्चित केली जाणार आहे. जिल्हाधिकारी किंवा जिल्हा परिषदेचे मुख्य कार्यकारी अधिकारी पीठासीन अधिकारी म्हणून नियुक्त होणार आहेत. दरम्यान, २७ ते २८ जानेवारी दरम्यान महापौर व उपमहापौर पदासाठी उमेदवारी अर्ज दाखल केले जाणार आहेत. त्यानंतर ३० किंवा ३१ जानेवारीला निवडीची सभा पार पडणार असून, ३१ जानेवारीला सभा होण्याची शक्यता अधिक आहे. या पार्श्वभूमीवर महायुतीतील हालचालींना वेग आला आहे. पदवाटप आणि आघाडी नोंदणीसाठी भाजप व शिवसेनेच्या नेत्यांच्या आजपासून बैठका सुरू झाल्या असून, शनिवार-रविवारी अंतिम फॉर्म्युला ठरण्याची शक्यता आहे. दरम्यान, इचलकरंजी महापालिकेसाठीही याच धर्तीवर कार्यक्रम निश्चित होण्याचे संकेत मिळत आहेत.

बार्शी तालुक्यात जिल्हा परिषद निवडणुकीत दोन्ही शिवसेनेची महाआघाडी

विशेष म्हणजे भाजपविरोधात दोन्ही शिवसेना, दोन्ही राष्ट्रवादी मिळून महाआघाडी स्थापन करण्यात आलीय.

ठाकरे गटाचे आमदार दिलीप सोपल यांनी याबाबत सोशल मीडियावर पोस्ट करत मेळाव्याला येण्याचे आवाहन केलेय.

या महाआघाडीमुळे सोलापूरच्या राजकीय वर्तुळात चर्चेला उधान आलेय

शिवसेना ठाकरे गटाचे आमदार दिलीप सोपल विरुद्ध भाजपचे माजी आमदार राजेंद्र राऊतांच्या नेतृत्वात या निवडणुका लढल्या जाणार आहेत

एकीकडे संजय राऊंतांनी शिवसेना शिंदे गटासोबत कदापि जाणार नाही अशी भूमिका घेतलेली असताना दुसरीकडे दोन्ही शिवसेना एकत्रित निवडणूक लढत आहेत

धाराशिव जिल्हा परिषद निवडणुकीत 'यशवंत सेना' नावाच्या रूपाने एक नवीन राजकीय पॅटर्न समोर आलाय.शिवसैनिक व इतर पक्षातील ज्या निष्ठावंतांना उमेदवारी मिळाली नाही त्यांनी 'यशवंत सेनेचा' मार्ग निवडला आहे.धाराशिव,तुळजापूर व कळंब या 3 तालुक्यात अनेक इच्छुकांनी हा मार्ग स्वीकारत उमेदवारी अर्ज दाखल केले आहेत.यशवंत सेने तर्फे उमेदवारी अर्ज दाखल करण्यामध्ये मोठ्या प्रमाणात बंडखोर शिवसेना समावेश असून भाजपच्या बंडखोरांनी देखील यशवंत सेनेचा पर्याय निवडला आहे. धाराशिव जिल्ह्यात भाजप व शिवसेनेत फूट पडल्याने महायुतीची घोषणा झालेली नाही तर महाविकास आघाडीमध्येही सगळं काही अलबेल नसल्याने बंडखोरीला मोठे ग्रहण आले आहे.त्यातच यशवंत सेनेचा हा नवा धाराशिव पॅटर्न जिल्हा परिषद उमेदवारी समोर आला असून याला कितीपत यश मिळते याकडे लक्ष लागले आहे.

पुणे जिल्हा प्रशासनाकडून निवडणुकांसाठी जोरदार तयारी

जिल्हा परिषद निवडणुकीसाठी ३ हजार ६०५ मतदान केंद्र तर १४ हजारांहून अधिक मतदान यंत्रे असणार

जिल्हा परिषद निवडणुकीसाठी ५ फेब्रुवारीला होणार मतदान

नगरपरिषदा व महानगरपालिका निवडणुकीत झालेल्या चुका जिल्हा प्रशासन टाळणार

याआधी झालेल्या निवडणुकांमध्ये वारंवार ईव्हीएम मशिन बंद पडल्याच्या आल्या होत्या तक्रारी

ईव्हीएम मशिन बंद असल्याने मतदान केंद्राबाहेर लागल्या होत्या रांगा

याच चुका जिल्हा परिषद निवडणुकीत प्रशासन टाळणार असून ईव्हीएम मशिन मध्ये मोठ्या प्रमाणात वाढ करण्यात आली आहे

पुणे रेल्वे विभागातील अनेक रेल्वे गाड्या आज - उद्या रद्द.

पुणे रेल्वे विभागाच्या दौंड काष्टी स्थानकादरम्यान लोहमार्गाच्या दुहेरीकरणाच्या नोंद इंटरलॉकिंगच्या कामाकरिता दोन दिवसांचा ब्लॉग घेण्यात आला आहे.

त्यामुळे 24 व 25 जानेवारीला धावणाऱ्या तब्बल 26 एक्सप्रेस तर बारा डेमू रेल्वे गाड्या रद्द करण्यात आलेले आहेत.

तर काही गाड्यांच्या मार्गात बदल करण्यात आले आहेत.

पुणे सोलापूर व पुणे भुसावळ मार्गावरील सेवा मोठ्या प्रमाणात प्रभावित होत असल्याने प्रवाशांची मोठी गैरसोय होणार आहे..

रत्नागिरीतल्या हातखंबा जिल्हा परिषद गटात शिंदे शिवसेनेत बंडखोरी झाली आहे.. पक्षाकडून तिकीट न मिळाल्यामुळे माजी समाज कल्याण सभापती परशुराम कदम अपक्ष म्हणून रिंगणात उतरले आहेत.. पक्षाने आपल्याला शेवटच्या क्षणापर्यंत गाफील का ठेवलं हा आपल्यापुढे प्रश्न असून, फॉर्म भरण्याच्या आदल्या दिवसापर्यंत आपल्याला पक्षाकडून कोणतीही विचारणा झाली नाही.. त्यामुळे आपण अपक्ष उमेदवारी अर्ज भरला. पण असं असलं तरी जनमताचा कौल घेऊन पुढील निर्णय घेणार असल्याचं परशुराम कदम यांनी स्पष्ट केलं आहे.. 21 तारखेपासून मला अनेकांचे फोन आले, मी केलेल्या कार्याला अनेक जण पाठींबा देत असल्याचं देखील कदम यांनी म्हटलं आहे..

पुणे सायकल टूर मध्ये दुपारी डेक्कन भागात सायकल पट्टूंचा अपघात…

अपघातनंतर सायकल पटूमध्येच वादावादी झाली…

काही सायकलपटू आणि पोलिसांनी हा वाद मिटवला आणि पुन्हा स्पर्धा सुरु झाली

दुपारी डेक्कन येथील संभाजी महाराज पुतळ्याजवळ ही घटना घडली आहे

रायगड जिल्हा परिषद आणि जिल्ह्यातील 15 पंचायत समित्यांच्या निवडणुकीसाठी उमेदवारी अर्जांची छाननी पूर्ण झाली आहे. छाननी अंती जिल्हा परिषदेसाठी 361 उमेदवारांचे अर्ज वैध ठरले आहेत तर पंचायत समितीसाठी 656 अर्ज वैध ठरले आहेत. यामध्ये पुरुषांच्या तुलनेत महिला उमेदवारांची संख्या अधिक आहे. 27 जानेवारी रोजी उमेदवारी अर्ज मागे घेण्याचा शेवटचा दिवस आहे त्यानंतरच प्रत्यक्ष लढतींचे चित्र स्पष्ट होणार आहे.

पुण्यात डेटिंग अ‍ॅपच्या जाळ्यात अडकवून तरुणांना लुटणारी टोळी गजाआड

डेटिंग अ‍ॅपवर ओळख वाढवून तरुणांना धमकावून लूटणाऱ्या टोळीचा कोंढवा पोलिसांनी पर्दाफाश केला आहे.

या प्रकरणी पाच जणांना अटक केली असून, त्यांच्याकडून मोबाइल, दागिने आणि गुन्ह्यात वापरलेली वाहने जप्त करण्यात आली आहेत.

या प्रकरणी कोंढवा पोलिस ठाण्यात गुन्हा दाखल करण्यात आला आहे.

रोहिल अकील शेख (वय १९, रा. कोंढवा), नुहान नईम शेख (वय १८, रा. कोंढवा), शाहिद शाहनूर मोमीन (वय २५, रा. संतोषनगर, कात्रज), इशान निसार शेख (वय २५, रा. अंजलीनगर, कात्रज) आणि वाहिद दस्तगीर शेख (वय १८, रा. कोंढवा) अशी अटक केलेल्या संशयितांची नावे आहेत.

जीएसटी विभागातील अधिकारी सचिन जाधवरआत्महत्या प्रकरणात गुन्हा दाखल करण्यासाठी नातेवाईक आक्रमक झाले आहेत.बीड ग्रामीण पोलीस ठाण्याच्या बाहेर मयताच्या पत्नीसह नातेवाईकानी ठिय्या केला. गुन्हा दाखल केल्याशिवाय उठणार नाही असा पवित्रा घेतला आहे.सुसाईड नोटमध्ये जीएसटी विभागातील वरिष्ठ अधिकाऱ्याचे नाव असताना देखील गुन्हा दाखल होत नसल्याचा नातेवाईकांचा आरोप आहे. पोलीस प्रशासन हेतू पुरस्कार या प्रकरणात गुन्हा दाखल करून घेत नाही. असा आरोप ही नातेवाईकांनी केला आहे.गुन्हा दाखल करून आरोपीला तात्काळ अटक करावी अशी मागणी ही करण्यात आली.

पुणे केसनंद पंचायत समिती गटातुन कुशाल सातव यांनी राष्ट्रवादी काँग्रेसला रामराम करत शेकडो कार्यकर्त्यांसह दौंडचे आमदार राहुल कुल यांच्या उपस्थितीत भाजपात प्रवेश केलाय

केसनंद वाडेबोल्हाई पंचायत समिती गटातुन भाजपाची मोठी ताकद वाढलीय यापुर्वी या भागात राष्ट्रवादी काँग्रेस पक्षाची मोठी ताकद होती मात्र कुशाल सातव केसनंद परिसरात भाजपात प्रवेश केल्याने मोठी ताकद वाढली असून राष्ट्रवादीला हा मोठा धक्का मानला जात आहे.

पुणे ग्रामीण पोलीस आणि पुणे स्थानिक गुन्हे शाखेने तीन दिवसांपूर्वी शिरूर येथे एका गॅरेज चालक शादब रियाज यास दोन कोटी दहा लाख रुपयांचा १ किलो ५२ ग्रॅम वजनाचा मेफेड्रोन

(एमडी) सह पकडले होते. या प्रकरणी शिरूर पोलीस ठाण्यात गुन्हा दाखल करण्यात आला आहे. आरोपीकडून मिळालेल्या माहितीनुसार हे ड्रग्स अहिल्यानगर येथील स्थानिक गुन्हे शाखेतील श्यामसुंदर गुजर या पोलीस कर्मचाऱ्याकडून त्याने घेतले होते अशी प्राथमिक माहिती शिरूर पोलिसांना मिळाली होती. मात्र आता या प्रकरणात अनेक धकादायक खुलासे होत असून अहिल्यानगर पोलिसांनी हे एमडी ड्रग्स हे श्रीरामपूर येथे छापा टाकून अहिल्यानगर पोलिसांनी जप्त केले होते