सुशिल थोरात, प्रतिनिधी

Ahmednagar Ashti Train News:

अहमदनगरमधून (Ahmednagar) एक मोठी बातमी समोर आली आहे. अहमदनगर आष्टी रेल्वेला भीषण आग लागल्याची घटना घडली आहे. नगर तालुक्यातील शिराडोह परिसरात रेल्वेच्या डब्याला आग लागली. सध्या प्रशासनाकडून आग विझवण्याचे शर्थीचे प्रयत्न सुरू असून यामध्ये रेल्वेचे मोठे नुकसान झाले आहे.

याबाबत सविस्तर माहिती अशी की, आज (सोमवार, १६ ऑक्टोंबर) ला अहमदनगर- आष्टी ट्रेनला भीषण आग लागल्याची घटना घडली. नगर तालुक्यातील शिराडोह परिसरात ही मोठी दुर्घटना घडली. आग इतकी भीषण होती की संपूर्ण परिसरात धुराचे लोट पसरल्याचे पाहायला मिळाले.

आगीची माहिती मिळताच प्रशासनासह अग्निशमन दलाच्या गाड्या घटनास्थळी दाखल झाल्या असून आग विझवण्याचे शर्थीचे प्रयत्न सध्या सुरू आहेत. ही आग कशामुळे लागली याचे कारण अद्याप समोर आले नाही. या आगीमध्ये कोणतीही जिवीतहानी झाली नसून रेल्वेचे मोठे नुकसान झाले आहे.

सोलापुरात दुकानांना भीषण आग

दरम्यान, सोलापूरमध्येही (Solapur) भीषण आगीची घटना समोर आली आहे. रंगभवन परिसरातील 6 दुकानांनां ही भीषण आग लागली असून घटनास्थळी अग्नीशमन दलाच्या गाड्या दाखल झाल्या आहेत. सध्या आग विझावण्याचे युद्ध पातळीवर प्रयत्न सुरु आहेत. (Latest Marathi News)