जयेश गावंडे

अकोला - केंद्र सरकारने वाढवलेल्या घरगुती गॅसच्या किंमती, इंधन दरवाढ आणि महागाई विरोधात राष्ट्रवादी काँग्रेसने आज आणि उद्या राज्यभर आंदोलन पुकारले आहे. अकोल्यातील तुकाराम चौक परिसरात आमदार अमोल मिटकरी यांच्या नेतृत्वाखाली राष्ट्रवादी काँग्रेसच्या वतीने गॅस दरवाढ विरोधात आंदोलन करण्यात आले. Agitation by NCP against fuel and gas price hike in Akola

हे देखील पहा -

सामान्य जनतेचा आक्रोश केंद्र आणि राज्य सरकारसमोर मांडला पाहिजे. त्यामुळे कोरोनाचे नियम पाळून राज्यात आंदोलन करण्याचं आवाहन जयंत पाटील यांनी कार्यकर्त्यांना केलं होते. त्यानुसार अकोल्यातही आमदार अमोल मिटकरी, जिल्हाध्यक्ष संग्राम गावंडे यांच्या नेतृत्वाखाली अकोल्यातील तुकाराम चौक परिसरात राष्ट्रवादीच्या कार्यकर्त्यांनी गॅस सिलेंडर घेऊन केंद्र सरकार विरोधात जोरदार घोषणाबाजी करत आंदोलन केले.

केंद्र सरकारने केलेली दरवाढ ही सर्वसामान्यांच्या जीवावर उठली आहे. प्रचंड महागाईने गोरगरीब माणसाचं पार कंबरडं मोडलं आहे. आठ कोटी बीपीएल धारक नागरिक महागडे सिलेंडर भरून आणू शकत नाहीत. त्यामुळे केंद्र सरकारने हा अन्याय केला असल्याचा आरोप मिटकरी यांनी केलाय. स्मृती इराणी यांच्यावरही आमदार मिटकरी यांनी जोरदार टीका केली.

Edited By : Krushnarav Sathe