भूषण अहिरे, साम टीव्ही

धुळ्यातील मोहाडी परिसरात अघोरी प्रकार उघडकीस आला आहे. काही मांत्रिकांनी स्मशानभूमिमध्ये रात्रीच्या वेळीस अघोरी पूजा केली आहे. स्थानिक नागरीकांना या अघोरी घटनेची माहिती मिळताच त्यांनी घडलेल्या ठिकाणी धाव घेतली. त्याठिकाणी कापलेला बोकड, जिवंत कोंबड्या, तसेच लिंबू आणि काही फोटो सापडले आहेत. हे कृत्य करून मांत्रिक पसार झाले आहेत. या प्रकरणी पोलीस अधिक तपाल करीत आहेत.

धुळ्यातील मोहाडी परिसरात अघोरी प्रकारामुळे परिसरात खळबळ उडाली आहे. काही मांत्रिकांनी स्मशानभूमित अघोरी प्रकार केला आहे. रात्रीच्या वेळेस हा प्रकार घडला असल्याची माहिती समोर आली आहे. स्मशानभूमीमध्ये एक कापलेला बोकड, जिवंत कोंबड्या, तसेच मोठ्या प्रमाणात कापलेले लिंबू आणि काही फोटो त्या ठिकाणी आढळले आहे. अघोरी प्रकार केल्यानंतर मांत्रिक पसार झाले आहेत. ही अघोरी पूजा कशा संदर्भात सुरू होती याचा तपास अद्याप लागला नाही.

या धक्कादायक कृत्याचा अंधश्रद्धा निर्मूलन समितीच्या पदाधिकार्‍यांनी निषेध व्यक्त केला आहे. या घटनेची माहिती मिळताच त्यांनी घटनास्थळी धाव घेतली. तसेच पोलिसांकडे मागणी केली. ज्या प्रकारे पोलीस ठाण्याच्या आवारातील हिस्ट्री सीटर यांची यादी पोलीस ठाण्यात तयार केली जाते, त्याच प्रकारे पोलीस ठाण्याच्या आवारातील अघोरी पूजा विधी करणार्‍यांची देखील यादी तयार करण्यात यावी.

तसेच त्यांना या संदर्भात मज्जाव घालण्यात यावा, अशी मागणी अंधश्रद्धा निर्मूलन समितीच्या पदाधिकार्‍यांनी केली आहे. या अघोरी कृत्यामुळे मोहाडी परिसरात प्रचंड भीतीचे वातावरण निर्माण झालं आहे. तसेच स्थानिक नागरीकांनी देखील या घटनेचा निषेध व्यक्त केला आहे. हा अघोरी प्रकार आणखीन कुठे घडला आहे का? तसेच मांत्रिकांचा तपास पोलीस करीत आहेत.