Shivsena/ NCP Saam TV
महाराष्ट्र

अपक्ष आमदारांच्या संपर्कात शिवसेना होती; सेनेच्या पराभवा‌नंतर राष्ट्रवादीने जबाबदारी झटकली

'अपक्ष आमदारांच्या संपर्कात शिवसेना होती, निवडणुकीचे मॅनिटीरिंग देखील शिवसेनेकडेच होते.'

भारत नागणे

पंढरपूर : राज्यसभा निवडणुकीत अनपेक्षितपणे शिवसेनेचे उमेदवार संजय पवार यांचा पराभव झाला आहे. शिवसेना उमेदवाराचा पराभवाबाबत‌ राष्ट्रवादी काँग्रेसचे प्रदेशाध्यक्ष (NCP) जयंत पाटील यांना पत्रकारांनी प्रश्न विचारला असता त्यांनी अपक्ष आमदारांच्या संपर्कात शिवसेना होती, निवडणुकीचे मॅनिटीरिंग देखील शिवसेनेकडेच होतं असं सांगत, शिवसेनेच्या पराभवा‌बद्दल मंत्री जयंत पाटील यांनी चक्क हात वर केल्याचं दिसतं आहे.

मंत्री जयंत पाटील (Jayant Patil) आज माळशिरस तालुक्यातील गारवाड येथे पाझर तलावांची पाहणी करण्यासाठी आले होते. त्यावेळी त्यांनी‌ राज्यसभा (Rajyasabha) निवडणूक निकालावर ही प्रक्रिया दिली आहे. आज दिवसभर राज्यसभा निवडणुकीतील जय पराजराची चर्चा सुरू असतानाच जयंत पाटील यांनी मात्र पराभवाचे खापर शिवसेनेच्या माथी मारले आहे.

महाविकास आघाडीसोबत असलेल्या पाच ते सहा अपक्ष आमदारांनी आम्हाला मतदान केले नाही. परंतु त्यांची आताच नावं घेणं योग्य होणार नाही ‌‌असं सांगत आमदार संजय शिंदे आणि देवेंद्र भोयर यांची देखील त्यांनी यावेळी पाठराखण केली.

हे देखील पाहा -

आम्ही सर्व जण पहिल्या पसंतीच्या मताकडे लक्ष दिले पण दुसऱ्या पसंतीच्या मतांनी आमचा घात केला. आजही पहिल्या पसंतीची १६३ मते महाविकास आघाडीसोबत असून सरकारला कोणताही धोका नसल्याचंही पाटील यांनी स्पष्ट केलं असलं तरीही, पाटील यांनी अप्रत्यक्षपणे अपक्ष आमदारांची जबाबदारी ही शिवसेनेकडे (Shivsena) होती असं सांगतं या पराभवाला आपण जबाबदार नसल्याचं स्पष्ट केलं आहे. त्यामुळे या पराभवाला सर्वस्वी सेनाच जबाबदार आहे का अशा चर्चांना आता उधान आलं आहे.

एकीकडे जयंत पाटील यांनी अपक्ष आमदारांची जबाबदारी सेनेकडे होती सांगितलं आहे तर काँग्रेस नेते विजय वडेट्टीवार यांनी काल पार पडलेल्या राज्यसभेच्या निवडणुकीत ज्यांनी दगा दिला, त्या अपक्ष आमदारांना निधी देताना विचार करावा लागेल तसंच आतापर्यंत अपक्ष आमदारांना झुकत माप दिलं, विकासाच्या कामे आमच्या बरोबरीने करवून घेतले आणि कालच्या निवडणुकीत मतदान करताना विचार केला गेला नाही. यापुढे अपक्ष आमदारांना (Independent MLA) निधी देताना विचार केला जाईल असा इशारा दिला आहे.

Edited By - Jagdish Patil

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: वर्ध्यात वीज पडून दोन ठार, एक गंभीर

Ajit Pawar: मागच्या आणि आताच्या अजित पवारांमध्ये खूप फरक; उपमुख्यमंत्री नेमकं काय म्हणाले? VIDEO

Asia Cup 2025 फायनलपूर्वी सूर्यकुमार यादवला धक्का, ICC ने सूर्यावर केली मोठी कारवाई

युजरच्या 'स्कीम'ची जोरदार चर्चा! 'फॉलो करा अन् मिळवा 1GB, 2GB इंटरनेट पॅक', पठ्ठ्याचे अवघ्या ४ महिन्यातच वाढले 15000 फॉलोवर्स

जिथं दहशत तिथंच धिंड, पुण्यात आरोपींना आणलं गुडघ्यावर|VIDEO

SCROLL FOR NEXT