सांगली :  31 डिसेंबरच्या तोंडावर सांगलीत (Sangli) उत्पादन शुल्क विभागाने मोठी कारवाई केली आहे. मिरजेतुन (Miraj) तब्बल 57 लाखाची गोवा (Goa) बनावटीची बेकायदेशीर दारू जप्त करण्यात आली आहे. एका कंनटेनरमधून मैदा पोत्याच्या आड लपवून दारू (Alcohol) आणली जात होती. गोवा राज्यातून (state) बेकायदेशीररित्या महाराष्ट्रात (Maharashtra) आणली जाणारी दारू उत्पादन शुल्क विभागाने सापळा रचून पकडली आहे.

हे देखील पहा-

ही कारवाई मिरज- पंढरपूर (Pandharpur) मार्गावर मध्यरात्रीच्या सुमारास हि कारवाई करण्यात आली आहे. या कारवाईमध्ये एका कंटेनरसह 57 लाखाची दारू जप्त करण्यात आली. उत्पादन शुल्क विभागाच्या अधीक्षक संध्याराणी देशमुख यांच्या पथकाने ही कारवाई केली आहे. गेल्या महिनाभरात राज्य उत्पादनशुल्क विभागाने 44 लाख 17 हजार रुपयांची गोवा बनावटीची दारू जप्त केली. एप्रिल ते डिसेंबर या 9 महिन्यांत तीन कोटी 19 लाख रुपयांची दारू जप्त केली आहे.

Edited By- Digambar Jadhav