-- अविनाश कानडजे

औरंगाबाद : औरंगाबादमध्ये नवीन वर्षाच्या उंबरठ्यावर बनावट विदेशी दारु विरुद्ध राज्य उत्पादन शुल्क निरीक्षक, भरारी पथक यांनी संयुक्त कारवाई करत एक चारचाकी आणि एक दुचाकी वाहनासह बनावट निर्मितीची दारू व दोन आरोपींना अटक करण्यात आली आहे.

हे देखील पहा :

राज्य उत्पादन शुल्क विभागाला आणि राज्य उत्पादन शुल्क भरारी पथकाला मिळालेल्या खात्रीलायक गुप्त बातमीनुसार, पडेगाव ते मिटमिटा सरकारी रोडवरील शनीमंदीर समोर पडेगाव येथे निरीक्षक उत्पादन शुल्क भरारी पथकाने छापा मारला असता त्या ठिकाणी एक मारुती सुझुकी कंपनीची इको हि चारचाकी गाडी आढळून आली. या चारचाकीत संपूर्ण बनावट तयार केलेल्या विदेशी मद्य १८० मि.ली क्षमतेच्या एकूण 1200 बनावट बाटल्या आढळल्या.

तसेच चारचाकी आणि दुचाकी वाहनासह एकूण 8 लाख 67 हजार रुपयेचा मुद्देमाल मिळून आला. वैभव परशुराम खरात आणि राहूल पांडूरंग बालझडे या दोन आरोपींना ताब्यात घेतले असून, इतर दोन फरार आरोपी सागर संतोष जैस्वाल आणि दत्ता नानासाहेब वारे अंधाराचा फायदा घेऊन पसार झाले आहे.

Edited By : Krushnarav Sathe