सचिन आगरवाल

अहमदनगर: नगर-पुणे महामार्गावर Pune- Nagar Highway Accident दोन मालवाहू ट्रक व दुचाकीच्या भिषण अपघातात चार जण जागीच ठार झाल्याची प्राथमिक माहीती आहे. दुपारी दिड वाजण्याच्या सुमारास पारनेर तालुक्यातील जातेगाव शिवारात हा अपघात झाला असून सुपे पोलिसांनी क्रेनच्या मदतीने वाहनांमध्ये, वाहनाखाली अडकलेले मृतदेह काढण्यात आले आहेत.

हे देखील पहा-

अशी झाली धडक;

पुण्यावरून नगरकडे चाललेल्या कंटेनरने अचानक ब्रेक दाबला आणि त्यामुळं पाठीमागून वेगाने येणाऱ्या ट्रकची कंटेनरला जोरात धडक बसली. धडकेदरम्यान काळात दोन्ही वाहनांच्या मधोमध चाललेल्या दुचाकीलाही ट्रकने ठोकर दिली आणि दुचाकी ट्रकखाली जाऊन त्यावरील दोघांचा जागीच मृत्यू झाला.

अचानक ब्रेक लावल्यामुळे ट्रकमधील पाईप बॉडी तोडून केबीनमध्ये शिरले. त्यात ट्रक चालकासह क्लिनरचा देखील मृत्यू झाली अशी माहीती आहे. तर संबंधित ट्रकमध्ये आणखी किती व्यक्ती आहेत याची अद्याप पोलिसांकडे माहीती नाही. त्यामुळे मृतांची संख्या वाढण्याची शक्यता आहे.

शहारे आणणारे दृष्य;

अपघात झाल्यानंतर प्रत्यक्षदर्शीनी दिलेल्या माहीनुसार, ट्रकखाली तसेच ट्रकमधील रक्ताच्या थारोळया पडलेल्या अवस्थेत मृतदेह होते.

Edited By-Sanika Gade