सातारा : रस्त्याच्या कामावरून आक्रमक झालेल्या सातारा (satara) जिल्ह्यातील वाई (wai) तालुक्यातील पंचायत समिती सदस्य दीपक ननावरे (deepak nanaware) यांनी बांधकाम विभागातील अधिकार्‍यांची खुर्ची काढून घेत स्वतःच्या वाहनात घालून नेल्याने एकच खळबळ उडाली. (wai latest marathi news)

कनूर गावातील महादेव मंदिराकडे जाणाऱ्या रस्त्याची निविदा नुकतीच मंजूर करण्यात आली आहे. या रस्त्याचे सुमारे दाेन लाख 30 हजार रुपयांचे काँक्रिटीकरणाचे काम आहे. दीड वर्षांपूर्वी मंजूर झालेले अंतर्गत रस्त्याचे (road) काम पूर्ण न केल्याने वाई पंचायत समिती सदस्य दीपक ननावरे यांनी आज आक्रमक घेतला.

ननावरे यांनी वाई पंचायत समितीच्या कार्यालयातील बांधकाम विभागात आज तेथील अधिकार्‍यांची खुर्ची काढून घेतली. त्यानंतर खूर्ची चार चाकीत ठेवून तेथून निघून गेले. या प्रकाराने वाई पंचायत समितीत काही काळ तणावाचे वातावरण निर्माण झाले.

साम टीव्हीशी बाेलताना ननावरे म्हणाले कामे न करता अधिकारी फक्त खुर्चीवर बसून राहत असून त्यांना या खुर्चीवर बसण्याचा नैतिक अधिकार नाही. म्हणत त्यांची खुर्ची काढून घेतली आहे. रस्त्याचे काम झाल्याशिवाय खुर्ची परत देणार नाही तसेच काम पूर्ण न झाल्यास बसण्याचे टेबल पण काढून घेईन असा इशारा ननावरेंनी प्रशासनास दिला.

Edited By : Siddharth Latkar