पनवेल तालुका पोलिसांनी ऑनलाईन सट्टेबाजी व जुगार रॅकेटवर मोठी कारवाई करत १३ आरोपींना अटक केली असून त्यांच्याकडून सुमारे २ लाख ७१ हजार ६३० रुपयांचा मुद्देमाल जप्त करण्यात आला आहे. ही कारवाई वाकडी येथील परिसरात करण्यात आली. कारवाईदरम्यान पोलिसांनी आरोपींकडून १७ मोबाईल फोन, ६ लॅपटॉप, ४ लॅपटॉप चार्जर, ४ एक्स्टेन्शन बोर्ड, १० मोबाईल चार्जर, एक वाय-फाय राऊटर, पासबुक, चेकबुक, क्रेडिट व डेबिट कार्ड, सिमकार्ड, पासपोर्ट तसेच लेखनासाठी वापरल्या जाणाऱ्या डायऱ्या जप्त केल्या. जप्त मुद्देमालाची किंमत ₹२,७१,६३० इतकी आहे.