पंढरपूर : कर्नाटकामध्ये छत्रपती शिवाजी महाराजांच्या पुतळ्याचे विटंबना झाल्यानंतर त्याचे महाराष्ट्रात तीव्र पडसाद उमटू लागले आहेत. आज पंढरपुरात ही मराठा क्रांती मोर्चाच्या कार्यकर्त्यांनी कर्नाटकातील त्या घटनेचा निषेध करत कर्नाटकचे (Karnatak) मुख्यमंत्री बसवराज बोम्मई यांचा पुतळा जाळला. यावेळी संतप्त कार्यकर्त्यांनी कर्नाटक सरकार विरोधात घोषणाबाजी केली. दोन दिवसापूर्वी बेळगावमध्ये छत्रपती शिवाजी महाराजांच्या (Chhatrapati Shivaji Maharaj) पुतळ्याची काही समाजकंटकांनी विटंबना केली आहे.

या घटनेचे बेळगाव सह पश्चिम महाराष्ट्रातील त्याचे तीव्र पडसाद उमटले आहेत. आज पंढरपुरात सर्व शिवप्रेमींनी एकत्रित या घटनेचा निषेध केला आहे. जोपर्यंत समाजकंटकांवर कारवाई केली जात नाही तोपर्यंत कर्नाटकामधील एक ही बस किंवा खाजगी गाडी महाराष्ट्रात येऊ देणार नाही असा इशारा मराठा क्रांती मोर्चा चे राज्य समन्वयक रामभाऊ गायकवाड यांनी दिला आहे.

Edited By: Pravin Dhamale