Shirdi Viral Video : लावणी डान्सर गौतमी पाटील ही सतत कोणत्या ना कोणत्या कारणाने चर्चेत असते. गौतमीचे कार्यक्रम सध्या तिच्या डान्सपेक्षा त्यात होणाऱ्या गोंधळामुळे चर्चेचा विषय ठरत आहेत. आता देखील तिच्या एका कार्यक्रमातील असाच एक भन्नाट व्हिडिओ समोर आला आहे. मात्र यामध्ये कोणताही गोंधळ झाला नसून जबदस्त जुगलबंदीचा डान्स झाला आहे. (Lavani Dancer)

नुकताच शिर्डी येथे गौतमीचा एक कार्यक्रम पार पडला. यावेळी गौतमीची अदाकारी पाहण्यासाठी मोठी गर्दी उफाळून आली होती. गौतमीचा डान्स पाहून सर्वच जण तिच्या आणि गाण्याच्या तालावर डोलू लागतात. आता देखील समोर आलेल्या व्हिडिओमध्ये एका तरुणाने गौतमीसमोर ठेका धरला आहे.

व्हिडिओमध्ये दिसत आहे की, गौतमी पाटील जशा स्टेप्स जशा अदा करत आहे तशीच अदाकारी आणि डान्स हा तरुण करून दाखवत आहे. स्टेजवर गौतमी पाटलांचा बैलगाडा या गाण्यावर नाचत आहे. तिला टक्कर देत हा तरुण स्टेजखाली नाचत आहे. एकीकडे गौतमीचं नृत्य पाहून सर्वजण तिच्यासोबत सेल्फी घेण्यासाठी धावपळ करतात तर दुसरीकडे तिला पाहून हा तरुण तिच्या सारखा डान्स करत आहे.

सोशल मीडियावर या दोघांच्या जुगलबंदीचा हा व्हिडिओ व्हायरल होत आहे. व्हिडिओवर नेटकऱ्यांनी वेगवेगळ्या कमेंट केल्या आहेत. सदर व्हिडिओ हा शिर्डी येथील आहे. गौतमीच्या कार्यक्रमात नेहमी वाद आणि भांडणे होताना दिसतात. त्यामध्ये असा एक जुगलबंदीचा व्हिडिओ नेटकऱ्यांचं मनोरंजन करत आहे.