लातूर - राज्यातील ६० हजार ग्रामपंचायत कर्मचाऱ्यांना किमान वेतन देण्यासाठी तत्कालीन ग्राम विकासमंत्री हसन मुश्रीफ (Hassan Mushrif) यांच्याकडे माजी वैद्यकीय शिक्षण, सांस्कृतिक कार्यमंत्री अमित देशमुख (Amit Deshmukh) यांनी पाठपुरावा केला होता, वेतनवाढ मिळणार असल्याचा आदेश ग्राम विकास विभागाने निर्गमित केला आहे. त्याबद्दल ग्रामपंचायत कर्मचारी युनियन महाराष्ट्र राज्य शिष्टमंडळाने माजी मंत्री आमदार अमित देशमुख यांची भेट घेऊन त्यांचे आभार मानले.

हे देखील पाहा -

महाविकास आघाडी सरकारने ग्रामविकास महत्त्वाचे योगदान असलेल्या राज्यातील ग्रामपंचायत कर्मचाऱ्यांना किमान वेतन ११६२५ ते १४१२५ रुपये देण्यासाठी निर्णय घेतला आहे. याकरिता राज्याचे माजी वैद्यकीय शिक्षण व सांस्कृतिक कार्यमंत्री, आमदार अमित विलासराव देशमुख यांनी तत्कालीन ग्राम विकासमंत्री हसन मुश्रीफ यांच्याकडे पाठपुरावा केला होत.

वेतनवाढ मिळणार असल्याचा आदेश ग्राम विकास विभागाने निर्गमित केला आह. त्याबद्दल शिष्टमंडळाने बाभळगाव येथे भेट घेऊन आभार मानले आहेत. यावेळी ग्रामपंचायत कर्मचारी युनियन मराठवाडा विभागीय अध्यक्ष दयानंद येरंडे, लातूर जिल्हा अध्यक्ष नवनाथ नरवडे, आर्वीचे सरपंच धनंजय उर्फ पप्पू देशमुख, अनिल देसाई, विकास पवार, अमोल बनसोडे, कृष्णा भगाडे, भागवत गरड आदी उपस्थित होते.