अमर घटारे, साम टीव्ही

राज्यात महिला लैंगिक अत्याचाराच्या घटनेत दिवसेंदिवस वाढ होत आहे. दिवसभरात एकतरी महिला नराधमाच्या वासनेला बळी पडत आहे. शहरापासून खेड्यामध्येही महिलांवर अत्याचार होत आहे. महिलांपासून चिमुरड्या मुलीही अत्याचाराच्या बळी ठरत आहेत. अमरावतीमध्येही अवघ्या ६ वर्षांच्या मुलीवर अत्याचार झाल्याची घटना उघडकीस आली आहे. या प्रकरणी पोलिसांनी आरोपीच्या मुसक्या आवळल्या आहेत.

अमरावती जिल्ह्यातील चांदूर बाजार तालुक्यातील एका गावात मुलगी अत्याचाराला बळी पडली. या गावातील शाळेतील ६ वर्षांची मुलीवर अत्याचार झाल्याची घटना घडली. या प्रकरणी पोलिसांनी ५६ वर्षीय व्यक्तीला तात्काळ अटक करण्यात आली आहे.

नराधमाने मंगळवारी दुपारी सुमारे 2 वाजण्याच्या सुमारास पीडित चिमुरडीला शाळेच्या आवारात नेऊन तिच्यासोबत हे कृत्य केलं. या कृत्यानंतर पीडित मुलीने घरी जाऊन आई-वडिलांना याविषयी माहिती दिली. त्यानंतर आई-वडिलांनी शाळेत जाऊन सीसीटीव्ही फुटेज तपासले. त्यात संशयिताची हालचाल दिसल्यानंतर कुटुंबीयांनी तातडीने तक्रार दाखल केली.

चांदूर बाजार पोलिसांनी तातडीची कारवाई करत आरोपीला ताब्यात घेतले. या प्रकरणी चांदूर बाजार पोलीस स्टेशनचे ठाणेदार अशोक जाधव यांनी पुढील तपास सुरू केला आहे.

मालेगावात १४ वर्षीय मुलीवर अत्याचार

नाशिकच्या मालेगावमध्ये काही दिवसांपूर्वी एका अल्पवयीन १४ वर्षीय मुलीवर अत्याचार झाल्याची घटना घडली. शाळकरी मुलीला शाळेला जातानाफूस लावून दुचाकीवर बळजबरीने बसवून गिरणा धरणावर नेलं. त्याच भागात त्या मुलीवर लैंगिक अत्याचार केल्याचं उघड झालं. या प्रकरणी आरोपीवर पोस्को अंतर्गत पोलीस स्टेशनमध्ये गुन्हा दाखल करण्यात आला.