संजय राठोड, यवतमाळ

Yavatmal Ashram Shala News:

यवतमाळमध्ये (Yavatmal) शिळे अन्न खाल्ल्यामुळे ५५ विद्यार्थ्यांना विषबाधा (Poisoned) झाल्याची धक्कादायक बातमी समोर आली आहे. यवळतमाळच्या पुसद तालुक्यातील हुडी येथे ही घटना घडली आहे. सर्व विद्यार्थ्यांना उपचारासाठी खासगी (Private Hospital) आणि शासकीय रुग्णालयामध्ये (Government Hospital) दाखल करण्यात आले आहे. यामधील तीन विद्यार्थ्यांची प्रकृती चिंताजनक आहे.

मिळालेल्या माहितीनुसार, यवतमाळच्या पुसद तालुक्यातील हुडी येथील गिरधारी महाराज व्हीजेएनटी आश्रम शाळेमध्ये ही घटना घडली आहे. या आश्रम शाळेतील ५५ विद्यार्थ्यांना विषबाधा झाल्याचा प्रकार उघडकीस आला आहे. विद्यार्थ्यांना शिळे अन्न खायला दिले. त्यामुळे विद्यार्थ्यांना मळमळ, उलट्या आणि श्वास घेण्यास त्रास होऊ लागला.

शिळे अन्न खाल्ल्यामुळे आश्रम शाळेमध्ये शिकणाऱ्या ५५ विद्यार्थ्यांची प्रकृती बिघडल्यामुळे त्यांना तात्काळ पुसद येथील खासगी आणि शासकीय रुग्णालयात उपचारासाठी दाखल करण्यात आले. यामधील २५ ते ३० विद्यार्थ्यांची प्रकृती चिंताजनक आहे. या विद्यार्थ्यांनी रात्रीचे शिळे अन्न सकाळी गरम करुन खाल्ल्यामुळे त्यांना विषबाधा झाली असल्याचे सांगितले जात आहे.