- सचिन कदम

Raigad News : रायगड (Raigad) जिल्ह्यातील पेण तालुक्यातील गडब गावात एका घरात भलामोठा अजगर घुसल्याची घटनासमोर आली आहे. घरात अजगर शिरल्यानं घरातील मंडळी चांगलीच भयभीत झाली होती. या कुटुंबानं तातडीनं सर्पमित्रांना याची माहिती दिली.

त्यानंतर सर्पमित्र योगेंद्र वीरकर हे अन्य सर्पमित्रांसमवेत घटनास्थळी पाेहचले. त्यांनी अजगरास काैशल्यानं पकडलं. त्यानंतर पेण खोपोली रस्त्यावरील जंगल परिसरात अजगरास सोडून दिलं.

हे अजगर सुमारे दहा फुट लांबीचं आणि 35 किलो वजनाचं हाेतं. हे भलामोठं अजगर गावात आल्याने गडब ग्रामस्थांमध्ये घबराटीचे वातावरण निर्माण झाले हाेते. या अजगरास जिवंत जंगलात साेडल्याने ग्रामस्थांनी सर्पमित्रांचे आभार मानले.

Edited By : Siddharth Latkar