लातूर: लातूर (Latur) जिल्ह्यात मागील काही महिन्यांपूर्वी कमी झालेल्या कोरोनाबाधित (Corona) रुग्णांची संख्या पुन्हा झपाट्याने वाढायला जून महिन्यापासून सुरुवात झाली आहे. त्यामुळे लातूर जिल्ह्यात पुन्हा कोरोनाने मोठा हादरा दिला असून जिल्ह्यात गुरुवारी सर्वात जास्त म्हणजे 29 पॉझिटिव्ह रुग्ण आढळून आल्याने लातूरकरांमध्ये भीतीचे वातावरण निर्माण झाले आहे. (Latur Corona Updates)

हे देखील पाहा -

लातूर जिल्ह्यात कोरोनाचा वाढता आलेख पाहून गुरुवारी आरोग्य प्रशासनाने कोरोनाच्या चाचण्याही वाढवल्या आहेत. आरोग्य प्रशासनाने एकूण 899 चाचण्या केल्या असून यामध्ये 29 पॉझिटिव्ह रुग्ण आढळून आलेले आहेत. लातूर जिल्ह्यात आरटीपीसीआरच्या 354 चाचण्या केल्या, यामध्ये एकूण 19 पॉझिटिव रुग्ण आढळले आहेत. तर रॅपिड अँटीजनच्या 545 चाचण्या केल्या, यामध्ये 10 रुग्ण पॉझिटिव्ह आढळून आलेले आहेत. गुरुवारी एकूण 899 चाचण्या केल्या असून यामध्ये एकूण 29 रुग्ण पॉझिटिव्ह आढळून आलेले आहेत. लातूर जिल्ह्याचा कोरोनीचा पॉझिटिव्ह रेट 3.2 टक्क्यांवर आला असल्याचे जिल्हा शल्य चिकित्सक डॉ. एल. एस. देशमुख यांनी सांगितले आहे.

Edited By - Akshay Baisane