महाराष्टात मार्चमध्ये उष्माघाताने 300 हून अधिक नागरिक आजारी पडले आहेत तर 21 मृत्यूची नोंद करण्यात आली आहे अशी माहिती महाराष्ट्राच्या (Maharashtra) आरोग्य विभागाने दिली आहे. मृत्यूंपैकी सात नागपूर, चार जळगाव, तीन अकोला आणि दोन जालना (Jalna) जिल्ह्यातील रहिवाशी आहेत. अमरावती, औरंगाबाद, हिंगोली, उस्मानाबाद आणि परभणी जिल्ह्यात प्रत्येकी एकाचा उष्माघाताने मृत्यू झाला आहे. (Heat Wave Latest Marathi News)

हे देखील पाहा -

नागपूर विभागात सर्वाधिक 262 उष्णतेशी संबंधित आजारांची नोंद झाली आहे. उष्माजन्य आजाराच्या एकूण 338 रुग्णांपैकी अकोल्यातील 29, पुण्यातील 21, नाशिकमधील 14, औरंगाबादमधील 10, लातूर आणि कोल्हापूर विभागातील प्रत्येकी एक रुग्ण असल्याची माहिती डॉ. प्रदीप आवटे यांनी दिली. राज्यात 2020-2021 मध्ये उष्णतेमुळे मृत्यूची नोंद झाली नसली तरी 2016-2019 मध्ये 43 जणांचा उष्माघाताने मृत्यू झाला आहे.

Edited By - Shivani Tichkule