Buldhana News :

प्रभू श्रीराम जन्मभूमित प्रताष्ठापित व्हावेत यासाठी कारसेवेत झोकून देणा-यांमधील बुलढाणा जिल्ह्याच्या मेहकर येथील पहिल्या कारसेवेतील कारसेवक (kar sevak) अरविंद उमाळकर यांच्या स्मृतिप्रित्यर्थ जिल्हाभरातून २ लाख २१ हजार दिव्यांचे वाटप केले जाणार आहे. हा उपक्रम उमाळकर यांचे चिंरजीव अजय उमाळकर यांनी राबविला आहे. (Maharashtra News)

येत्या २२ जानेवारीला प्रभू श्रीराम अयोध्येत विराजमान होणार आहेत. अयोध्येत राम मंदिराचा सोहळ्याची तयारी मोठ्या थाटामाटात सुरू आहे. हा ऐतिहासिक सोहळा पाहण्यासाठी उमाळकर यांचे वडील आज हयात नाहीत याची खंत त्यांचे चिरंजीव अजय यांना लागून राहिली.

आपल्या वडिलांच्या कार्याला उजाळा मिळावा यासाठी अजय उमाळकर यांनी २ लाख २१ हजार दिवे वाटपाचा संकल्प केला. बुलढाणा जिल्हाभरातील ४ हजार कुटुंबीयांना प्रत्येकी पाच दिवा वातीचा संच दिला जाणार आहे असे अजय उमाळकर यांनी साम टीव्हीशी बाेलताना नमूद केले. ते म्हणाले दिव्यांच्या पॅकिंगचे काम गेल्या तीन दिवसांपासून सुरू आहे. लवकरच जिल्हाभरात या दिव्यांचे वाटप केले जाईल.

नेमाने कुटुंबीयांना निमंत्रण

6 डिसेंबर 1992 साली अयोध्येत कार सेवेतील बुलढाणा जिल्ह्याच्या खामगाव तालुक्यातील शिरला नेमाने येथील विष्णुदास नेमाने यांना त्या ठिकाणी वीर मरण आले होते. येत्या 22 जानेवारीला होणाऱ्या मंदिर प्राणप्रतिष्ठा सोहळ्याचे निमंत्रण त्यांच्या कुटुंबीयांना नुकतेच प्राप्त झाले आहे.

Edited By : Siddharth Latkar