Teacher's Job News : राज्यात सध्या १७ हजार प्राथमिक शिक्षकांची पदे रिक्त आहेत. त्यामुळे शिक्षक भरतीचा अहवाल सादर करा असे निर्देश संभाजीनगर खंडपीठाने राज्य शासनाला दिले आहेत. प्राथमिक शिक्षकांच्या भरतीबाबत मुद्देनिहाय अहवाल सादर करावं लागणार आहे. (Latest Marathi News)

नवीन शैक्षणिक वर्ष सुरू होण्यास अवघा दोन महिन्यांचा कालावधी राहिला आहे. मात्र अद्याप जिल्हा परिषद आणि स्थानिक स्वराज्य संस्थांमधील प्राथमिक शिक्षकांची भरती झालेली नाही. शिक्षकांची भरती हा मूळ मुद्दा आहे असे खंडपीठाने नमूद केले आहे.

खंडपीठाच्या २२ सप्टेंबर २०२२च्या आदेशानुसार शासनाने प्राथमिक शिक्षक (Teacher) भरतीसाठीच्या 'टीएआयटी शिक्षक अभियोग्यता व बुद्धिमत्ता चाचणी परीक्षेचे संभाव्य वेळापत्रक शालेय शिक्षण आणि क्रीडा विभागाने १३ ऑक्टोबर रोजी खंडपीठात सादर केले होते.

त्यानुसार सरकारी वकिलांनी वरीलप्रमाणे निवेदन केले. त्यावर खंडपीठाने शासनास वरीलप्रमाणे निर्देश दिले. या 'सुमोटो जनहित याचिकेवर दि. २८ एप्रिल रोजी पुढील सुनावणी आहे. २०१७ साली एकदाच टीएआयटी परीक्षा झाली होती. त्यानंतर ती परीक्षा (Exam) झाली नव्हती. तेव्हापासून प्राथमिक शिक्षकांची भरती झालीच नाही.

परिणामी छत्रपती संभाजीनगर आणि जालना वगळता राज्यात प्राथमिक शिक्षकांची जवळपास १७ हजारांपेक्षा जास्त पदे रिक्त आहेत, असे यापूर्वीच्या सुनावणीदरम्यान निदर्शनास आणून देण्यात आले आहे.