Pandharpur Maghi Yatra Latest Marathi News : पंढरपुरात (Pandharpur) माघी वारी यात्रेसाठी आलेल्या 137 भाविकांना अन्नातून विषबाधा झाली आहे. या भाविकांना (devotees) रूग्णालयात (hospital) उपचारार्थ दाखल करण्यात आले आहे. सर्व रूग्णांची प्रकृती स्थिर असल्याचे डाॅक्टरांनी (doctor) सांगितले. (Breaking Marathi News)

पंढरपूरात (pandharpur) माघी वारी यात्रे निमित्त लाखाे भाविक विठ्ठलाच्या दर्शनासाठी गेल्या तीन दिवसांपासून तळ ठाेकून आहेत. राज्य आणि देशभरातील भाविकांच्या सुरक्षिततेसाठी मंदिर व्यवस्थापन आणि पाेलिस यंत्रणा झटत आहे.

पंढरपूरातील संत निळोबा सेवा मंडळ या मठामध्ये काल रात्री भाविकांनी भगर आमटी खाल्ल्याने विषबाधा झाली आहे. यामध्ये 137 भाविकांना त्याची झळ बसली आहे. रात्री दोन वाजता सर्व भाविकांना मळमळ आणि उलटीचा त्रास सुरू झाला. सर्वांना येथील उपजिल्हा रुग्णालयात उपचारासाठी दाखल करण्यात आले. सर्व रूग्णांची प्रकृती स्थिर असल्याचे डाॅक्टरांनी साम टीव्हीशी बाेलताना सांगितले.

Edited By : Siddharth Latkar