बुधवारी म्हणजेच २० नोव्हेंबर रोजी संपूर्ण महाराष्ट्रात मतदान पार पडलं. विधानसभेच्या या निवडणूकीचा निकाल परवा म्हणजेच २३ तारखेला लागणार आहे. या निकालाच्या आधारावर पुढची ५ वर्ष आता कोणात्या पक्षाची सत्ता येणार? कोण निवडून येणार आणि कोणाचा उमेदवार पडणार? हे समजणार आहे. अशातच सकाळचा एक्झिट पोल हाती आला असून कोणत्या ठिकाणी कोणता संभाव्य आमदार असणार ते याची माहिती घेऊया.

यावेळी बाळापूरमध्ये विधानसभा मतदारसंघात ठाकरेंच्या शिवसेना उमेदवाराचं पारडं जड दिसून येतंय. बाळापूरमधून शिवसेना ठाकरे गटाने नितीन देशमुख यांना उमेदवारी दिली होती. तर त्यांच्या विरूद्ध शिवसेना शिंदे गटाने बळीराम सिरसकर यांना उमेदवारीचं तिकीट दिलं होतं.

बाळापूर मतदारसंघावर शिवसेना ठाकरे गटाचे नितीन देखमुख यांचं वर्चस्व राहिलंय. या ठिकाणी तब्बल ७० टक्के मतदान झालं आहे. एकंदरीत सकाळच्या एक्झिट पोलमधून मतदारांचा कल काही नितीन देशमुख यांच्याकडे दिसून आला. त्यामुळे बाळापूरचे संभाव्य आमदार नितीन देखमुख असू शकतात.

टिप: सकाळ समूहाच्या सर्व्हेतून एक्झिट पोलचे अंदाज वर्तवण्यात आलेले आहेत. ही फक्त प्राथमिक आकडेवारी आहे. २३ तारखेला राज्यात कुणाचं सरकार स्थापन होणार, याचं चित्र स्पष्ट होणार आहे.