ठाकरे गटाचे उमेदवार राजन साळवी यांच्या प्रचारासाठी उद्धव ठाकरेंनी आज रत्नागिरीत प्रचारसभा घेतली. या सभेत बोलतांना त्यांनी पंतप्रधान मोदींनी अशुभ व्यक्ती संबोधलंय. छत्रपती शिवाजी महाराज यांचा पुतळा कोसळण्याच्या प्रकरणावरून त्यांनी पंतप्रधान मोदींवर टीका केली. आठ महिन्यात शिवरायचा पुतळा पडतो कसा? असा सवालही उद्धव ठाकरेंनी यावेळी पुन्हा एकदा केला.

सिंधुदुर्गातील छत्रपती शिवाजी महाराज यांचा पुतळा पडल्यावरुन उद्धव ठाकरेंनी पंतप्रधान मोदींवर टीका केलीय. अशुभ हातांनी पुतळ्याचं अनावरण झालं होतं त्यामुळेच पुतळा पडला असल्याचं उद्धव ठाकरे म्हणाले. आठ महिन्यांपुर्वी बांधलेला पुतळा पडतो तरी कसा असा सवाल उद्धव ठाकरेंनी केला. या प्रकरणावरून पंतप्रधान मोदींनी माफी मागितील, मात्र त्यात गुर्मी होती . महाराष्ट्र हा पाय पुसणं नाहीये.

हा छत्रपती शिवाजी महाराजांचा आहे, तो तुम्हाला पुसून टाकेल. मागे सुद्धा माजी राज्यपा कोश्यारी यांनी छत्रपती महाराज यांचा अपमान केला होता. त्यावेळी आम्ही मोर्चा काढला. परंतु राज्यपालावर कोणतीच कारवाई झाली नाही. त्यांना हटवण्यात आलं नाही. कारण काय छत्रपती शिवाजी महाराज यांचा अपमान झाला होता. मात्र पंतप्रधान मोदींचा अपमान केला असता तर तुमच्या घरात पोलीस घुसवले असते.