Danish Ali joins Congress:

ऐन लोकसभा निवडणुकीत उत्तर प्रदेशात मायावती यांना काँग्रेसने मोठा धक्का दिला आहे. अमरोहा लोकसभा खासदार दानिश अली यांनी काँग्रेसमध्ये प्रवेश केला आहे.

राहुल यांची भारत जोडो न्याय यात्रा आणि सोनिया गांधी यांच्या भेटीपासून ते काँग्रेसमध्ये प्रवेश करणार असल्याची चर्चा होती. दानिश अली अमरोहा येथून काँग्रेसच्या तिकिटावरच लोकसभा निवडणूक लढवू शकतात, अशी चर्चा आहे. दिल्लीत पवन खेडा आणि यूपी काँग्रेसचे प्रभारी अविनाश पांडे यांच्या उपस्थितीत दानिश अली यांना काँग्रेसचे सदस्यत्व देण्यात आले. बसपाने दानिश यांना नुकतेच पक्षातून निलंबित केले होते. (साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काँग्रेसमध्ये प्रवेश केल्यानंतर दानिश म्हणाले की, ''आज देशाची परिस्थिती कोणापासून लपलेली नाही. एका बाजूला फुटीरतावादी शक्ती आहेत आणि दुसऱ्या बाजूला देशातील गरीब, वंचित आणि शोषित लोकांना न्याय देण्याची ताकद आहे. आज आपल्याला निर्णय घ्यायचा आहे की, आपल्याला फुटीर शक्तींशी लढायचे असेल तर राहुल गांधी यांच्या नेतृत्वाखाली काँग्रेस अध्यक्ष मल्लिकार्जुन खरगे यांच्याशी हातमिळवणी करावी लागेल.''   (Latest Marathi News)

दरम्यान, उत्तर प्रदेशमध्ये सपाने काँग्रेसला दिलेल्या 17 जागांमध्ये अमरोहाचाही समावेश आहे. येथून दानिश अली यांना उमेदवारी मिळू शकते. दानिश अली यांना पक्षविरोधी कारवायांच्या आरोपाखाली बसपाने गेल्या वर्षी 9 डिसेंबर रोजी पक्षातून निलंबित केले होते. यावेळी अमरोहामधून दानिश यांच्या जागी बसपाने मुजाहिद हुसैन यांना उमेदवारी दिली आहे.