Madha Lok Sabha Constituency :

खासदार रणजीतसिंह नाईक निंबाळकर यांच्या प्रचारावरुन माढा लोकसभा मतदार संघातील शिवसेनेतील (shivsena) अंतर्गत गटबाजी चव्हाट्यावर आली. यामुळे खूद्द खासदार निंबाळकर रणजीतसिंह नाईक निंबाळकर यांनी नाराज शिवसैनिकांची भेट घेण्यास प्रारंभ केला आहे. चर्चेतून मार्ग निघतात अशी आशा खासदार निंबाळकर यांना असल्याने त्यांनी एक पाऊल पुढे टाकल्याचे चित्र आहे. (Maharashtra Lok Sabha Election News in Marathi)

माढा लोकसभा मतदार संघातील शिवसेनेचे सोलापूर जिल्हा संपर्कप्रमुख शिवाजी सावंत (shiv sena leader shivaji sawant) आणि शिवसेना पदाधिका-यांनी काही दिवसांपूर्वी मेळावा घेऊन खासदार निंबाळकर यांच्या विषयी तीव्र नाराजी व्यक्त केली होती. त्यानंतर शिवसेनेतील एका गटाने खासदार निंबाळकरांची बाजू उचलून धरली. यामुळे शिवसेनेतच दाेन गट पडल्याचे दिसून आले.

दरम्यान नाराज असलेले शिवसेना सोलापूर जिल्हा संपर्कप्रमुख शिवाजी सावंत यांची खासदार रणजीतसिंह नाईक निंबाळकर यांनी नुकतीच भेट घेतली. आलेगाव येथील साखर कारखान्यावर या दाेन्ही नेत्यांची भेट झाली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या भेटीत शिवसेना पदाधिकारी आणि रणजितसिंह नाईक निंबाळकर यांच्यात सकारात्मक चर्चा झाल्याची खात्रीशिर माहिती उपलब्ध झाली आहे. आता सोलापूर जिल्हा संपर्कप्रमुख शिवाजी सावंत आणि त्यांचे कार्यकर्ते यांनी देखील महायुतीच्या उमेदवाराचा प्रचार करण्याचा निर्णय घेतला आहे.

Edited By : Siddharth Latkar