सचिन बनसोडे, ता. ४ जून २०२४
शिर्डी लोकसभा मतदार संघात शिवसेना ठाकरे गटाचे उमेदवार भाऊसाहेब वाकचौरे यांनी विजय मिळवला आहे. शिर्डीमध्ये ठाकरे गटाचे भाऊसाहेब वाकचौरे विरुद्ध शिवसेना शिंदे गटाचे सदाशिव लोखंडे यांच्यामध्ये लढत झाली. या लढतीत भाऊसाहेब वाकचौरे यांनी विजय मिळवत शिंदेंना धक्का दिला आहे.
शिर्डी लोकसभा मतदार संघात शिवसेना ठाकरे गटाचे भाऊसाहेब वाकचौरेंविरुद्ध शिवसेना शिंदे गटाचे सदाशिव लोखंडे यांच्यामध्ये अटीतटीची लढत झाली. सदाशिव लोखंडे हे दोनवेळा शिर्डीचे खासदार होते. त्यामुळे भाऊसाहेब वाकचौरे यांच्यासमोर मोठे आव्हान होते. मात्र वाकचौरे यांनी सदाशिव लोखंडे यांना धुळ चारत मोठा विजय मिळवला आहे.
मतमोजणीत वाकचौरेंनी पहिल्या फेरीपासून घेतलेली आघाडी कायम ठेवली होती. बाळासाहेब थोरात यांचा संगमनेर मतदारसंघ आणि अकोले विधानसभेतून वाकचौरेंना भरघोस लिड मिळाले. याच वाढत्या मताधिक्याने त्यांनी विजय संपादन केला. मुख्यमंत्री एकनाथ शिंदेनी प्रतिष्ठेची केलेल्या या निवडणुकीत त्यांना मोठा धक्का बसला आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.