राज्य सहकारी बँकेने डी.आर.डी न्यायालयात त्यांचे म्हणणे मांडल्यानंतर पंढरपूर येथील श्री विठ्ठल सहकारी साखर कारखान्यावरील (Shri Vitthal Sahakari Sakhar Karkhana) जप्तीची कारवाई टळली आहे. यामुळे विठ्ठल कारखान्याचे अध्यक्ष अभिजित पाटील यांना मोठा दिलासा मिळाला आहे. (Maharashtra Lok Sabha Election News in Marathi)
जुन्या संचालक मंडळांन घेतलेल्या कर्ज वसूल करण्यासाठी राज्य सहकारी बँकेने (Maharashtra State Co-operative Bank) श्री विठ्ठल सहकारी साखर कारखान्यावर जप्तीच्या कारवाईचा बडगा उगारला हाेता. यामध्ये बँकेने साखरेचे गोडवूनसह इतर मालमत्ता ताब्यात घेतली हाेती.
या जप्तीच्या कारवाई नंतर पंढरपुरात राजकीय घडामोडी घडल्या. राष्ट्रवादी काँग्रेस शरदचंद्र पवार पक्षाचे नेते अभिजित पाटील यांनी राष्ट्रवादीला साेडचिठ्ठी दिली. अभिजीत पाटील यांनी भाजपला पाठिंबा दिला.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
साम टीव्हीशी बाेलताना अभिजीत पाटील म्हणाले 342 कोटी रुपये थकीत कर्जाच्या वसुलीसाठी बॅंकेने कारखान्यावर जप्तीची कारवाई केली हाेती. डी.आर.डी न्यायालयात बॅंकेने म्हणणे सादर केल्यानंतर न्यायालयाच्या आदेशानंतर जप्तीची कारवाई रद्द झाली आहे.
दरम्यान उद्या आपण उपमुख्यमंत्री देवेंद्र फडणवीस यांच्या उपस्थितीमध्ये विठ्ठल साखर कारखान्यावर भाजप उमेदवाराला पाठिंबा देणार आहाेत असेही पाटील यांनी नमूद केले.
Edited By : Siddharth Latkar
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.