Maharashtra Politics 2024

ठाकरे गटाला रामराम ठोकलेले माजी मंत्री बबनराव घोलप यांनी आज एकनाथ शिंदे गटात प्रवेश केला. त्यांच्यासोबत मोठ्या संख्येने पदाधिकारी आणि कार्यकर्त्यांनीही शिंदेंच्या शिवसेनेचं निशाण हाती घेतलं आहे. पक्षप्रवेशावेळी नाशिकमधून लोकसभेसाठी इछुक असलेले हेमंत गोडसे यांच्या समर्थनात जोरदार घोषणाबाजी करण्यात आली.

शिवसेनेत मी निष्ठेने काम केले, मात्र पक्षनिष्ठा ठेवूनही संपर्कप्रमुख पदावरून काढण्यात आलं. प्रामाणिक राहूनही माझ्यावर अन्याय करण्यात आला. मी विचारलं माझे पद का काढण्यात आलं, पण मला काहीही सांगण्यात आलं नाही. त्यामुळे एकनाथ शिंदे यांच्या शिवसेनेत प्रवेश करत आहे. ते जी जबाबदारी देतील ती पार पाडणार आणि शिवसैनिकांना न्याय देण्याचं काम करेन, असं बबनराव घोलप यांनी म्हटलं आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

शिर्डी लोकसभा मतदार संघाच्या संपर्क प्रमुख पदावरून हटविल्यानं घोलप नाराज होते. संपर्कप्रमुख पदावरून हटवल्यानंतर त्यांनी ठाकरेंच्या शिवसेनेचा राजीनामा दिला होता. तसंच ते शिर्डी लोकसभा मतदारसंघातून निवडणूक लढण्यास इच्छुक आहेत. बबन घोलप यांनी यापूर्वी मुख्यमंत्री एकनाथ शिंदे यांच्यासह भाजपच्या प्रमुख नेत्यांनीही भेट घेतली होती. घोलप हे पाच वेळेला विधानसभेवर निवडून गेलेत, समाजकल्याण मंत्रिपद सुद्धा त्यांनी भूषवलं आहे.