कणकवली: रत्नागिरी -सिंधुदुर्ग मतदारसंघात भाजपचे नारायण राणेविरुद्ध ठाकरे गटाचे नेते विनायक राऊत यांच्यात लढत होतेय. मात्र असं असलं तरी या मतदारसंघातील प्रचाराच्या निमित्ताने ठाकरे विरुद्ध ठाकरे असा सामनाही रंगताना पाहायला मिळणार आहे. पाहुयात एक खास रिपोर्ट.

रत्नागिरी सिंधुदुर्ग मतदारसंघात भाजप आणि ठाकरे गटात थेट सामना रंगणार आहे.. भाजपकडून ज्येष्ठ नेते नारायण राणे तर ठाकरे गटाकडून विद्यमान खासदार विनायक राऊत लोकसभेच्या रिंगणात उतरलेत. राणे आणि राऊंतांमध्ये ही लढत होणार असली तरी कोकणात ठाकरे विरुद्ध ठाकरे असा सामना रंगणार आहे. विनायक राऊत यांच्या प्रचारासाठी शुक्रवारी ३ मे रोजी उद्धव ठाकरेंची सभा झाली. तर दुसरीकडे शनिवारी ४ मे रोजी नारायण राणेंच्या प्रचारासाठी राज ठाकरेंची सभा कणकवलीमध्ये होणार आहे. त्यामुळे ठाकरे बंधुंच्या तोफा धडाडल्यामुळे कोकणातलं राजकीय वातावरण तापणाराय.

राज ठाकरे महायुतीच्या उमेदवारांसाठी कोणत्या मतदारसंघात आणि कधी सभा घेणार आहे. त्यावर एक नजर टाकूया. एकंदरितच राज ठाकरे यांच्या एन्ट्रीने कोकणातील राजकीय वातावरण तापणाराय. त्यामुळे राज ठाकरे शिवसेनेतील जुन्या घटना सांगून उद्धव यांच्यावर निशाणा साधणार का? काही नवे गौप्यस्फोट करणार हे पाहावं लागेल.