जालना लोकसभा मतदारसंघात (Jalna Lok Sabha) महायुतीचे उमेदवार रावसाहेब दानवे आहेत. त्यांची काल जालन्यातील गोलापांगरी येथे सभा पार पडली. या सभेदरम्यान बोलताना त्यांनी अर्जून खोतकर यांना सुन असल्याचं म्हटलं आहे. मी (Raosaheb Danve) राजकारणातली सासू आहे आणि अर्जुन खोतकर माझी सून आहे, अशी मिश्किल टिप्पणी जालना लोकसभा महायुतीचे उमेदवार रावसाहेब दानवे यांनी केली आहे.

मी राजकारणातली सासू आहे आणि अर्जुन खोतकर माझी सून आहे, अशी मुश्किल टिपणी जालना लोकसभा महायुतीचे उमेदवार रावसाहेब दानवे यांनी केली आहे. लोकसभा निवडणुकीच्या तोंडावर खोतकर आणि दानवे यांच्यामध्ये निर्माण झालेला दुरावा दूर झालाय. त्यानिमित्ताने दोन्हीही नेते प्रचारासाठी एकत्रित दिसले. रावसाहेब दानवे यांच्या प्रचारासाठी जालन्यातील गोलापांगरी येथे झालेल्या सभेदरम्यान रावसाहेब दानवे यांनी हे वक्तव्य केलं आहे.

मी चांगलं काम केलं, तुम्ही मला खासदार केलं. पैसा आणणं माझं काम आहे. मी राजकारणातील सासु आहे. अर्जुनराव माझी सून आहे, एकदा की सुनेच्या हातात कारभार गेला की, सासुला फक्त आणायला (Raosaheb Danve On Arjun Khotkar) सांगतात. वाटायला सूना असतात, असं दानवे म्हटले आहेत. वाटत असेल तर पुढच्या वेळी अर्जुनराव यांना खासदार करा अन् मला आमदार करा, मग मी गावोगावी फिरेन असं दानवेंनी म्हटलं आहे.

जालना लोकसभा मतदारसंघात भाजपचे उमेदवार रावसाहेब आणि काँग्रेसकडून कल्याण काळे यांच्यात लढत होणार आहेत. यावेळी प्रचार सभेदरम्यान बोलताना दानवे म्हणाले (Maharashtra Politics) की, वाटत असेल तर पुढच्या वेळी अर्जुन खोतकर यांना खासदार करा. मला आमदार करा, असं आवाहन देखील दानवेंनी त्यांच्या भाषणातून मतदारांना केलं आहे. जालन्यामध्ये चौथ्या टप्प्यात निवडणुका पार पडणार आहे. १३ मे राजी मतदान पार पडणार आहे. त्यामुळे दोन्ही पक्षांकडून प्रचाराला वेग आला आहे.