- संजय सूर्यवंशी

Nanded :

भाजपचे राज्यसभा खासदार अशाेक चव्हाण (bjp mp ashok chavan) यांच्या नेतृत्वाखाली आज (बुधवार) नांदेड जिल्ह्यातील काँग्रेस पक्षामधील शेकडाे कार्यकर्त्यांनी भाजपमध्ये प्रवेश केला. यामुळे नांदेड काॅंग्रेसमध्ये माेठे खिंडार पडल्याचे चित्र आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नांदेड जिल्ह्यातील काँग्रेस ओबीसी सेलच्या शहर जिल्हाध्यक्षासह शेकडो ओबीसी सेलच्या पदाधिकारी, कार्यकर्ते यांनी आज खासदार अशोक चव्हाण आणि खासदार प्रताप पाटील चिखलीकर यांच्या प्रमुख उपस्थितीत आज भाजपामध्ये पक्ष प्रवेश केला. नांदेड शहरातील प्रगती महिला मंडळ येथे हा पक्ष प्रवेश सोहळा पार पडला.

आजच्या पक्ष प्रवेशामुळे नांदेड जिल्ह्यात काँग्रेस पक्षाला गळती सुरूच असल्याचे चित्र आहे. काँग्रेस पक्षातील माजी महापौर, नगरसेवक, माजी जिल्हा परिषद अध्यक्ष, सदस्य, काँग्रेसचे जिल्ह्यातील महत्वाचे पदाधिकारी कार्यकर्ते यांनी काँग्रेस पक्षाला सोडचिठ्ठी देऊन खासदार अशोक चव्हाण यांच्या नेतृत्वात भाजपाचे कमळ हाती घेतले आहे.

(Maharashtra Lok Sabha Election News in Marathi)

त्याचा फायदा निश्चित महायुतीला आणि भाजपला नांदेड लाेकसभा मतदारसंघात हाेईल असा विश्वास विजय देवडे (ओबीसी नेते) यांनी व्यक्त केला.

Edited By : Siddharth Latkar