- रणजीत माजगावकर/ अभिजीत देशमुख

Maharashtra Lok Sabha Election :

आदित्य ठाकरे मृगजळातून बाहेर आले नाहीत. दोन वर्षांपासून ते शिव्या शाप देत आहेत पण लोकांना माहिती आहे कोण कामाचे आहे. आदित्य ठाकरे बोलतात ते स्वतःसाठी बोलतात, पण शिंदे साहेब जनतेसाठी काम करतात अशी टीका खासदार श्रीकांत शिंदे यांनी काेल्हापूर येथे ठाकरेंवर केली. त्यास ठाकरेंनी प्रतिउत्तर देत खासदार श्रीकांत शिंदे यांच्याकडे जास्त लक्ष देऊ नका असे म्हणत महाराष्ट्रातले उद्योग गुजरात मध्ये का पाठवले? असा सवाल केला.

श्रीकांत शिंदे यांनी आदित्य ठाकरे यांच्या रोड शो विषयी काेल्हापूर येथे बाेलताना कल्याणमध्ये आम्ही जिंकणार आहोत. निवडणूक आहे म्हटल्यावर रोड शो सगळे करणार. कल्याणमध्ये श्रीकांत शिंदेला कल्याणाचे नागरिक मोठ्या संख्येने निवडून देतील असा विश्वास शिंदेंनी व्यक्त केला.

(Maharashtra Lok Sabha Election News in Marathi)

पुढं बाेलताना शिंदे म्हणाले आदित्य ठाकरे मृगजळातून बाहेर आले नाहीत. दोन वर्षांपासून ते शिव्या शाप देत आहेत पण लोकांना माहिती आहे कोण कामाचे आहे. आदित्य ठाकरे बोलतात ते स्वतःसाठी बोलतात, पण शिंदे साहेब जनतेसाठी काम करतात असेही श्रीकांत शिंदे यांनी नमूद केले.

श्रीकांत शिंदेंकडे जास्त लक्ष देऊ नका : आदित्य ठाकरे

खासदार श्रीकांत शिंदे यांच्या टीकेला उत्तर देताना आदित्य ठाकरे म्हणाले श्रीकांत शिंदे यांच्याकडे जास्त लक्ष देऊ नका. अनेकदा घटनाबाह्य मुख्यमंत्र्यांना चॅलेंज देऊन त्यांनी समोर येऊन बसावं. महाराष्ट्रातले उद्योग गुजरात मध्ये का पाठवले?, महाराष्ट्राचा विकास दोन वर्ष काढलेला आहे त्याच्यावर एकट्याने किंवा पूर्ण खात्याने येऊन डेबिट करावे. त्यांच्यात ती हिंमत नाही. त्यामुळे इकडून तिकडून चिंधीचोर आमच्यावर बोलायला पाठवत असतात अशी टिप्पणी ठाकरेंनी शिंदेवर केली.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar