सकाळी उठल्यानंतर आणि रात्री झोपण्यापूर्वी दात स्वच्छ करण्याची सवय ही आपल्या दिनचर्येचा भाग आहे. दात स्वच्छ करण्यासाठी टूथब्रशचा वापर करतो. पण तुम्ही रोज वापरत असलेला टूथब्रश किती झिजलेला असतो? तो कधी बदलायचा? हे देखील तुमच्या लक्षात येणे महत्वाचे आहे. बरेच लोक वर्षभर एकच टूथब्रश वापरतात त्यामुळे टूथब्रश झिजून जातो. टूथब्रश खराब झाल्याची, झिजल्याची चिन्हे ओळखणे महत्वाचे आहे ही चिन्हे कोणती आहेत ते सविस्तरपणे जाणून घ्या.

किती महिन्यानंतर टूथब्रश बदलला पाहिजे?

हेल्थ अपडेटनुसार, टूथब्रश साधारणपणे दर ३ ते ४ महिन्यांना बदलला पाहिजे. टूथब्रशच्या नियमित वापरामुळे टूथब्रशचे केस झिजतात ज्यामुळे त्याच्या स्वच्छ करण्याच्या क्षमतेवर परिणाम होऊ शकतो. जर तुमचा टूथब्रश तीन महिन्यांच्या आतच ब्रशचे केस झिजलेले दिसू लागले तर नवीन टूथब्रश घेणे योग्य राहील.

टूथब्रश कसा ओळखायचा?

• टूथब्रशचे केस पसरतात

  जर टूथब्रशचे केस सरळ राहण्याऐवजी सर्व बाजूंनी पसरले असतील तर तो टूथब्रश बदलण्याची वेळ आली आहे हे समजून घ्या.

• केस वाकू लागतात

  नियमितच्या वापरामुळे किंवा जास्त जोराने दात घासल्याने ब्रशचे केस वाकू शकतात अशा ब्रश बदलणे महत्वाचे आहे.

• ब्रशचे केस तुटतात

  जर टूथब्रशचे केस तुटलेले किंवा जास्त झिजलेले दिसत असती तर नवीन ब्रश वापरा.

• तीन ते चार महिन्यांनी बदलावा

  ब्रश दिसायला ठिक असला तरी तीन ते चार महिन्यांनी बदलणे महत्वाचे आहे.

टिप

येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.