कार्तिक पौर्णिमेला देवांची दिवाळी म्हणजेच देव दीपावली साजरी केली जाते. मान्यता अशी आहे की कार्तिक पौर्णिमेच्या दिवशी देवता दिवाळी साजरी करतात. या दिवशी पवित्र नद्यांच्या किनाऱ्यावर दीपदान करण्याची परंपरा आहे.

कार्तिक पौर्णिमा किंवा देव दिवाळीच्या दिवशी दीपदान केल्याने भगवंताचे विशेष आशीर्वाद मिळतात. यावेळी मोक्षाचे द्वार उघडतात आणि पापांचा नाश होतो. असं मानलं जातं की, या दिवशी भगवान विष्णूची विधिवत पूजा केल्यास मनोकामना पूर्ण होण्यास मदत होते.

कार्तिक पौर्णिमा आणि देव दीपावली २०२५

पंचांगानुसार, कार्तिक पौर्णिमा तिथी ४ नोव्हेंबर रोजी रात्री १०:३६ वाजता सुरू होणार आहे आणि ५ नोव्हेंबर रोजी संध्याकाळी ६:४८ वाजता संपणार आहे. उदयातिथीनुसार, ५ नोव्हेंबर ही पौर्णिमा मानली जाणार आहे. याच दिवशी कार्तिक पौर्णिमेचे व्रत ठेवलं जाईल आणि देव दीपावली साजरी करण्यात येणार आहे. यावर्षी देव दिवाळीच्या दिवशी पूजा, आरती आणि दीपदान करण्याचा शुभ वेळ संध्याकाळी ५:१५ ते ७:५० पर्यंत आहे.

ज्योतिषशास्त्रीय दृष्टिकोन

ज्योतिषशास्त्रानुसार, यावर्षी देव दिवाळीच्या दिवशी भद्रावास योग आणि शिववास योग हे मंगलकारी योग तयार होत आहेत, जे अत्यंत शुभ मानले जातात.

काय देव दिवाळीची पौराणिक कथा?

कार्तिक पौर्णिमेला त्रिपुरारी पौर्णिमा असंही म्हणतात. पौराणिक कथेनुसार, एकदा त्रिपुरासुर नावाच्या राक्षसामुळे देवता, ऋषी आणि मानव सगळेच त्रस्त झाले होते. तेव्हा कार्तिक पौर्णिमेच्या दिवशी भगवान शिव यांनी त्रिपुरासुराचा वध करून देवतांचं रक्षण केलं. म्हणून या दिवशीला त्रिपुरारी पौर्णिमा म्हणतात.

या विजयाच्या आनंदात देवतांनी काशी नगरीत येऊन दिवाळी साजरी केली होती. म्हणूनच या दिवशीला देवांची दिवाळी किंवा देव दीपावली म्हणतात. काशीच्या घाटांवर या दिवशी लाखो दीप प्रज्वलित केले जातात, जे एक अद्भुत दृश्य निर्माण करतात.

(Disclaimer - या ठिकाणी दिलेली माहिती ज्योतिष शास्त्रावर आधारित असून ती केवळ माहितीसाठी दिली जात आहे. आम्ही या गोष्टींना दुजोरा देत नाही. कोणताही उपाय करण्यापूर्वी संबंधित विषयातील तज्ज्ञांचा सल्ला अवश्य घ्या.)