सध्या देशभरात सगळीकडे दिवाळीचा उत्साह दिसून येतोय. दिवाळी हा दिव्यांचा सण मानला जातो. या सणाच्या दिवशी लोक विधीनुसार आणि संध्याकाळी शुभ मुहूर्तावर देवी लक्ष्मीची पुजा करतात. यासोबतच गणपती बाप्पाची देखील पुजा केली जाते. लोक अनेक दिवस आधीच दिवाळीची तयारी सुरू करतात.

दिवाळीच्या दिवशी संपूर्ण घर दिव्यांनी सजवतो. दरवर्षी कार्तिक महिन्यातील अमावास्येला दिवाळी साजरी केली जाते. हिंदू धर्मातील हा सर्वात मोठा सण मानला जातो. तुम्ही तुमचं घर दिव्यांनी सजवता, लक्ष्मीपूजनाच्या वेळी सुंदर दिवे लावता, पण दिवाळीनंतर या सर्व दिव्यांचं तुम्ही काय करता? तुम्ही त्यांना फेकून देता का? तर ही चूक अजिबात करू नका. चला तर मग जाणून घेऊया दिवाळीच्या दिवसानंतर दिव्यांचं काय केलं पाहिजे.

दिवाळीनंतर दिव्यांचं काय केलं पाहिजे?

• दिवाळीच्या दिवशी प्रत्येक जण आपले घर सुंदर दिव्यांनी सजवतो. लक्ष्मी पूजनातही दिव्यांचा वापर केला जातो. पण दिवाळीनंतर लोक हे दिवे इकडे तिकडे टाकले जातात. मात्र असं करणं हे अत्यंत अशुभ मानलं जातं.

• दिव्यांमध्ये माता लक्ष्मी वास असतो. अशा परिस्थितीत त्यांना फेकणं टाळलं पाहिजे. तुम्ही जुने दिवे जपून ठेवू शकता. जेव्हा तुम्ही मंदिरात जाल तेव्हा तो दिवा मंदिरात लावा

• लक्ष्मी आणि गणपतीच्या पूजेत लावण्यात येणारे दिवे तुम्ही नदीमध्ये विसर्जित करू शकता. असं केल्याने नकारात्मकता टाळता येईल.

• दिवाळीच्या दिवशी लावण्यात येणारे दिवे तुम्ही मातीमध्ये पुरु शकता. काही लोक हे दिवे कुंभाराला परत दानही करतात. यामुळे सुख समृद्धी मिळते.

• जर तुमच्या घराजवळ नदी किंवा तलाव नसतील तर हे दिवे घरामध्ये अशा ठिकाणी ठेवा, जिथे कोणी पाहू शकणार नाही. असं करणं देखील हे शुभ मानलं जातं.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. याचं समर्थन अथवा दावा करत नाही.