How To Control Smart Tv : बरेचदा टीव्ही पाहाताना आपण नेमका रिमोट हरवतो किंवा तो ठेवला कुठे हे आठवत नाही. तर कधी कधी मुलं टीव्ही पाहत बसतात व रिमोट कुठं तरी लपवून ठेवतात. त्यामुळे तो शोधताना आपल्या त्रास सहन करावा लागतो.

मुलं एकदा का टीव्ही पाहायला लागली की ती बंद करण्याचे नाव काही घेत नाही. परंतु, आता स्मार्ट टीव्हीला कंट्रोल करण्यासोबतच मुलांचे टीव्ही पाहाणे देखील कंट्रोल करता येणार आहे. जर तुमच्याही घरचा रिमोट हरवला असेल आणि शोधूनही तो सापडत नसेल तर तुम्ही या सोप्या ट्रिक्स वापरु शकता.

Google Tv अॅपच्या मदतीने आणप Android Tv नियंत्रित करु शकतो. इतकेच नाही तर तुम्ही ही पद्धत अँड्रॉइडसोबत आयफोनमध्येही (iPhone) फॉलो करू शकता. ही ट्रिक्स कशी वापराल जाणून घेऊया.

1. Android फोनवरुन स्मार्ट टीव्ही कसा वापरायचा ते जाणून घेऊया

• Google Play Store वरून Google TV अॅप डाउनलोड करा.

• त्यानंतर तुमचा टीव्ही आणि मोबाइल वायफायशी कनेक्ट करा. ब्लूटूथद्वारेही कनेक्ट करु शकतो.

• अॅपमधील रिमोट बटणावर क्लिक करा.

• अॅप डिव्हाइस स्कॅन करण्यास सुरुवात होईल. तुमच्या टीव्हीला कनेक्ट करा.

• त्यानंतर टीव्ही स्क्रीनवर एक कोड येईल. अॅपमध्ये कोड एंटर केल्यानंतर ऑन बटणवर क्लिक करा

• तुमचा स्मार्टफोन आणि टीव्ही कनेक्ट झाला की तो रिमोटप्रमाणे काम करु लागेल.

2. आयफोनला स्मार्ट टिव्ही कसा कनेक्ट कराल?

• आयफोन आणि टीव्हीला वायफायशी कनेक्ट करा

• त्यानंतर अॅप स्टोअरवरुन Google TV अॅप डाउनलोड करा.

• Google TV अॅपमधील टीव्ही रिमोट आयकॉनवर टॅप करा.

• अॅप डिव्हाइस स्कॅन केल्यानंतर तो फोनशी कनेक्ट होईल.

• तुमच्या टीव्ही स्क्रीनवर 6 अंकी कोड दिसेल. अॅपमध्ये कोड एंटर करा आणि पेअर वर टॅप करा. त्यानंतर तुम्ही स्मार्ट टीव्ही कंट्रोल करु शकता.