H3N2 Disease : बदलते हवामान, कोरोना आणि H3N2 च्या वाढत्या प्रादुर्भावामुळे आरोग्याची काळजी घेणे जास्त गरजेचे आहे. त्यासोबत रोगप्रतिकारशक्ती देखील अधिक बळकट असायला हवी. ज्यामुळे या आजारांपासून आपले संरक्षण होईल.

H3N2 विषाणू आणि कोरोनाच्या (Corona) वाढत्या प्रकरणांमुळे भारतीयांची चिंता पुन्हा एकदा वाढली आहे. कोविडच्या प्रकरणांबाबत केंद्र आणि राज्य सरकार (Government) सतर्क झाली असून लोकांना सुरक्षित राहण्यासाठी सर्व प्रकारची पावले उचलण्याचा सल्ला देण्यात आला आहे.

कोविड आणि इन्फ्लूएन्झाच्या लक्षणांमध्ये (Symptoms) सतत खोकला, सर्दी आणि ताप सामान्य आहे . यामुळे, बहुतेक लोक संभ्रमात आहेत की H3N2 विषाणू कोरोनाव्हायरसशी संबंधित आहे की नाही.

यासाठी औषधाव्यतिरिक्त, स्वयंपाकघरात असलेल्या काही गोष्टी त्यांच्या लक्षणांवर नियंत्रण ठेवण्यास मदत करू शकतात. जाणून घ्या, रोगप्रतिकारशक्ती वाढवून तुम्ही कोणत्या छोट्या-छोट्या उपायांनी स्वतःला व्हायरसपासून वाचवू शकता.

1. दालचिनी

दालचिनी हा अन्नाची चव वाढवणारा मसाला आहे. प्राचीन काळापासून दालचिनीचा वापर केवळ जेवणातच नाही तर उपचारातही केला जात आहे. एनसीबीआयमध्ये प्रकाशित झालेल्या अहवालानुसार दालचिनीमध्ये अँटीऑक्सिडंट्स, अँटी-इंफ्लेमेटरी, अँटीडायबेटिक, अँटीकार्सिनोजेनिक प्रभाव असतात. कोविड किंवा इन्फ्लूएन्झाचा प्रभाव कमी करण्यासाठी तुम्ही दालचिनीचे पाणी किंवा त्यापासून बनवलेल्या इतर गोष्टी खाऊ शकता.

2. लिंबूपाणी

मजबूत रोगप्रतिकारक शक्तीसाठी, शरीरात व्हिटॅमिन सी असणे आवश्यक आहे आणि त्याची कमतरता लिंबूने दूर केली जाऊ शकते. कोरोनाच्या वाईट काळात लोकांनी लिंबाचा रस भरपूर प्यायला. व्हिटॅमिन सी घेतल्याने शरीराची रोगप्रतिकारक शक्ती मजबूत होते आणि तुम्ही कमी वेळा आजारी पडतात. रोज सकाळी अर्धा लिंबू एक ग्लास पाणी प्या.

3. पाणीदार फळे

जेव्हा शरीर निर्जलीकरण होते, म्हणजेच त्यात पाण्याची कमतरता असते, तेव्हा आरोग्याची छोटीशी समस्याही अधिक त्रासदायक बनते. कामाच्या व्यस्ततेमुळे किंवा इतर कारणांमुळे लोक कमी पाणी पितात. तज्ज्ञांचे म्हणणे आहे की अशी फळे खाऊ शकतात जी पोषक तत्वांची तसेच पाण्याची कमतरता पूर्ण करतात. उन्हाळा आला आहे आणि या हंगामात तुम्ही पाणीदार फळे खाऊ शकता.

डिस्क्लेमर: सदर लेख फक्त सामान्य माहितीसाठी आहे. अधिक तपशीलांसाठी नेहमी आपल्या डॉक्टरांशी संपर्क साधा.