सफरचंद हे असं फळ आहे जे सर्वच फळांमध्ये सर्वात पौष्टिक आणि स्वादिष्ट आहे. दररोज एक सफरचंदाचे सेवन केले तर त्या व्यक्तीला रुग्णालयात जाण्याची गरज पडत नाही. तो व्यक्ती कायम निरोगी राहतो असं म्हटलं जातं. अशात संपूर्ण जगभरात सफरचंद फळापासून विविध रेसिपी बनवल्या जातात. त्यामुळे आज सफरचंदापासून तयार होणाऱ्या विविध रेसिपी बद्दल जाणून घेणार आहोत.

अ‍ॅप्पल पाई

अ‍ॅप्पल पाई अमेरिकन रेसिपी आहे. पेस्टी बनवून त्यात सफरचंदाची फिलिंग भरली जाते. त्यात दालचीनी, जायफळ आणि साखर यांचा समावेश असतो. ही एक स्विट डिश आहे. या डिश आयस्क्रिमसोबत खाल्ली जाते.

अ‍ॅप्पल स्ट्रूडेल

अ‍ॅप्पल स्ट्रूडेल ही एक ऑस्ट्रेलियातील प्रसिद्ध डिश आहे. यात पेस्टी रोल बनवून त्यात सफरचंदाची फिलिंग भरली जाते. ही देखील एक स्विट डिश आहे.

अ‍ॅप्पल टारटे टॅटिन

अ‍ॅप्पल टारटे टॅटिन ही फ्रांसमधील खास डिश आहे. जेवणानंतर डेझर्टमध्ये हमखास ही डिश चाखली जाते. यामध्ये सफचंद कॅरमलाज केलं जातं. तसेच पेस्ट्री पिठापासून बनवून ती गरमागरम बेक करून सर्व केली जाते.

अ‍ॅप्पल क्रिस्प

अॅप्पल क्रिस्प बनवताना त्याचे बारीक तुकडे केले जातात. त्यानंतर यावर ओट्स, दही आणि ब्राउन शुगरच्या लेअर बनवल्या जातात. अशा पद्धतीने लेअर करत हे सर्व बेक केलं जातं. बेक झालेले अॅप्पल क्रिस्प चवीला फार छान लागतात.

अ‍ॅप्पल सॉस

अ‍ॅप्पल सॉस जर्मनीची प्रसिद्ध रेसिपी आहे. अ‍ॅप्पल सॉस बनवताना सफरचंद एका टोपात मैदा आणि दूध मिक्स करून गरम केले जाते. त्यात सफरचंदाचे काप टाकले जातात. त्यानंतर यावर मिरी पुड आणि चिली फ्लेक्स टाकून सर्व केलं जातं.