यंदा श्रावणी सोमवार महिना ५ ऑगस्ट पासून सुरू होत आहेत. या महिन्यात पाच सोमवार आले आहेत. श्रावणी सोमवारात शंकराच्या पूजेला विशेष महत्त्व आहे. शिवलिंगाची पूजा करून त्यावर प्रत्येक सोमवारी शिवामूठ वाहिली जाते. ही पूर्वीपासून चालत आलेली धार्मिक परंपरा आहे.

५ ऑगस्ट पहिला सोमवार : शिवामूठ तांदूळ

१२ ऑगस्ट दुसरा सोमवार : शिवामूठ मूग

१३ ऑगस्ट तिसरा सोमवार : शिवामूठ मूग

२६ ऑगस्ट चौथा सोमवार : शिवामूठ जव

०२ सप्टेंबर पाचवा सोमवार : शिवामूठ हरभरा

श्रावणी सोमवारी उपवास करताना 'या' गोष्टी लक्षात ठेवा

• श्रावणी सोमवारी उपवासाला सकाळी लवकर उठून अभ्यंग स्नान करून देवघर स्वच्छ करावे.

• उपवासाच्या दिवशी तामसिक पदार्थांचे सेवन टाळावे.

• उपवासाच्या दिवशी पौष्टिक फलाहार घ्यावा. तसेच यात ड्रायफ्रूट्स आणि दुधाचा समावेश असावा.

• विधिवत शंकराची पूजा करावी.

• या दिवशी महादेवाला गोकर्णाची फुले अर्पण करणे शुभ मानले जाते.

• उपवासाच्या दिवशी शंकराची पूजा करताना चुकूनही हळद-कुंकू वाहू नका.

• या दिवशी उपवास करत असल्यामुळे जेवणामध्ये लसूण आणि कांद्याचा वापर टाळावा.

• श्रावणाच्या उपवासात मद्यपान आणि मांसाहार टाळावा.

महादेवाला प्रसन्न करण्यासाठी श्रावणात आवर्जून करा 'हे' उपाय

• तुम्हाला व्यवहारांमध्ये अडचणी येत असतील, घरात पैसा टिकत नसेल, आर्थिक समस्यांना सामोरे जावे लागत असेल तर श्रावणी सोमवारी महादेवाला केशरयुक्त दूध अर्पण करावे.

• तुम्हाला करिअरची दिशा समजत नसल्यास किंवा करिअर मध्ये अडथळे येत असल्यास मुलांनी भगवान शंकराला उसाच्या रसाचा अभिषेक करावा.

• वैवाहिक जीवन सुखी ठेवायचे असल्यास, जोडीने श्रावणी सोमवारचे व्रत करा आणि दर सोमवारी शंकराच्या मंदिरात जाऊन दानधर्म करा.

• घरामध्ये जर कोणाला शारीरिक किंवा मानसिक त्रास असल्यास, उपवासाच्या दिवशी शंकराला चंदनाचा लेप लावा आणि दुधाने अभिषेक करा.

• श्रावणी सोमवारात उपवासाला अन्नदान आणि पांढऱ्या वस्तूंचे दान करणे शुभ मानले जाते. यामुळे भगवान शंकर आपल्यावर प्रसन्न होतात.

डिस्क्लेमर : येथे दिलेली माहिती धार्मिक मान्यता आणि गृहितकांवर आधारित आहे. साम टीव्ही त्याचे समर्थन करत नाही.