अनेकदा जेवणानंतर लोकांना तीव्र अ‍ॅसिडिटीचा त्रास होतो. पोटात आणि छातीत जळजळ होणं, आंबट ढेकर येणं आणि अस्वस्थता जाणवणं या समस्यांचा सामना करावा लागतो. अशा वेळी बहुतेक लोक एंटासिड गोळी किंवा सिरप घेण्याचा पर्याय निवडतात, कारण हे अ‍ॅसिडिटी कमी करण्यासाठी मदत करतात.

पण तुम्हाला माहिती आहे का, की जेवणानंतर च्युइंग गम खाल्ल्यानेही अ‍ॅसिडिटीपासून आराम मिळू शकतो?

च्युइंग गम आणि अ‍ॅसिडिटी यांचा संबंध

डॉक्टरांच्या सांगण्यानुसार, जेवणानंतर च्युइंग गम खाल्ल्याने तोंडात अधिक प्रमाणात लाळ तयार होते. ही लाळ अन्ननलिकेत (इसोफॅगस) जाऊन एक सुरक्षेचा थर निर्माण करते, जो पोटातील अ‍ॅसिडपासून संरक्षण करतो. यामुळे पचनक्रिया सुधारते आणि पोटातील अ‍ॅसिड हळूहळू बाहेर टाकलं जातं. ज्यामुळे अ‍ॅसिडिटीचा त्रास कमी होण्यास मदत होते.

शुगर-फ्री गम वापरणं का गरजेचं आहे?

हे लक्षात ठेवणं महत्त्वाचे आहे की शुगर-फ्री च्युइंग गमचाच वापर करावा. कारण साखर असलेलं च्युइंग गम काही परिस्थितींमध्ये अ‍ॅसिडिटी वाढवू शकतो.

• च्युइंग गमचे इतर फायदे

• च्युइंग गम चघळल्याने एकाग्रता वाढते

• स्मरणशक्ती सुधारते

• तोंडातील लाळेचं प्रमाण वाढतं, जे पचनासाठी फायदेशीर ठरू शकतं

अ‍ॅसिड रिफ्लक्ससाठी पेपरमिंटचा उपयोग फायदेशीर?

अ‍ॅसिड रिफ्लक्सच्या त्रासासाठी पेपरमिंट उपयोगी ठरू शकतो. कारण ते लोअर इसोफॅजियल स्फिंक्टरला आराम देतो, ज्यामुळे अ‍ॅसिड वर येण्याची शक्यता कमी होते.

डिस्क्लेमर : वरील माहिती आम्ही फक्त वाचक-प्रेक्षकांना देत आहोत. आम्ही याचं समर्थन अथवा दावा करत नाही. कोणतेही उपचार, डाएट आणि औषधं तज्ज्ञांच्या सल्ल्यानंच घ्यावीत.