टीम इंडियाचा फलंदाज सरफराज खान सध्या चर्चेत आहेत. सरफराजने शतकी खेळी खेळली नसून वजन घटवल्याने चर्चेत आला आहे. सरफराजने मागील २ महिन्यात १७ किलो वजन घटवलं आहे. सरफराजने सोमवारी त्याचा फोटो शेअर केला. त्यात तो ओळखूही येईना. सरफराजने भरपूर वजन कमी केलं आहे. सरफराजने अवघ्या दोन महिन्यात वजन कमी करून दाखवलं आहे.

सरफराजचे वडील नौशाद खान यांनी याबाबत महत्वाचा खुलासा केला आहे. त्यांनी म्हटलं की, सरफराज खानने दोन महिन्यात सॅलड, ब्रॉकली, ग्रिल्डस फिश, ग्रिल्ड चिकन, उकडलेले अंडी खाल्ली आहेत. मात्र, त्याने साखर, मैद्याचे पदार्थ खाल्ले नाहीत. सरफरजने बिर्याणी खाणे देखील बंद केलं आहे'.

'सरफराज खानच्या वडिलांनी देखील वजन कमी केलं आहे. रेग्युलर वर्कआऊटसोबत डाएटवर देखील विशेष लक्ष केंद्रित केलं. सरफराजच्या वडिलांचं वजन १२२ किलो होतं. त्यांनी वजन घटवून १०० किलो केलं आहे. डॉक्टरांच्या सल्ल्यानंतर वजन कमी करण्याचा निर्णय घेतला, असे सरफराजच्या वडिलांनी सांगितलं. सरफराजच्या वडिलांच्या गुडघ्याची शस्रक्रिया करण्यात येणार आहे. मात्र, त्यांनी वजन कमी करण्यासाठी तारीख पुढे ढकलली.

सरफराज खानने मागील वर्षी टेस्ट टीममध्ये डेब्यू केलं होतं. त्यांची कामगिरी देखील चांगली राहिली आहे. परंतु त्याला इंग्लंडविरोधात भारतीय संघात स्थान मिळालं नाही. सध्या सरफराजने फिटनेसवर लक्ष्य केंद्रित केलं आहे. त्यामुळे सरफराजला लवकरच भारतीय संघात स्थान मिळण्याची शक्यता व्यक्त केली जात आहे.