Sankashti Chaturthi SAAM TV
लाईफस्टाईल

Sankashti Chaturthi : संकष्टी चतुर्थीला गणेशाला दाखवा तिळगुळाचे मोदक, नैवेद्य खाऊन बाप्पा होईल खुश

Tilgul Modak Recipe : सर्वांचे दुःख दूर करणाऱ्या विघ्नहर्ता गणपतीची आज संकष्टी चतुर्थी आहे. संकष्टी चतुर्थीला गणपती बाप्पाला तिळगुळाच्या मोदकांचा नैवेद्य दाखवा. सोपी, स्वादिष्ट रेसिपी जाणून घ्या.

Shreya Maskar

संकष्टी चतुर्थीला महिला गणेशाची मनोभावे पूजा करून उपवास करतात. घरात सुख शांती लाभावी आणि कुटुंबातील सदस्यांना चांगले आरोग्य लाभावे हेच त्या मागील उद्देश असतो. संध्याकाळी चंद्राला पाहून देवाची पूजा करून उपवास सोडला जातो.

देवाची पूजा करताना सर्वात महत्त्वाचा असतो तो म्हणजे नैवेद्य. गणपतीला मोदक खूप आवडतात. त्यामुळे आज आपण मोदकाचा नवीन प्रकार शिकूया. तसेच नैवेद्य हे सात्विक भोजन असते. त्यामुळे नैवेद्य बनवताना विशेष काळजी घ्यावी.

नैवेद्य दाखवताना 'या' चुका टाळा

  • नैवेद्य करताना तेलाचा वापर टाळून तुपाचा वापर करावा. कारण तूप हे सात्विक असते.

  • देवाला ठेवलेला नैवेद्य त्वरित काढून घेऊ नये. थोडा वेळ तो तसाच देवासमोर राहू द्यावा.

  • विशेषतः पूजेच्या नैवेद्याचे ताट लहान मुलांना खाऊ द्यावे. कारण लहान मुलं ही देवाचे रूप असतात.

  • संकष्टी चतुर्थीला नैवेद्य बनवताना तुळशी पत्र घालू नये.

  • देवाला नैवेद्य दाखवल्यावर तोच नैवेद्य गाय मातेलाही दाखवावा. त्यामुळे तुमच्या सर्व मनोकामना पूर्ण होऊन आयुष्यात भरभराट होईल.

तिळगुळाचे मोदक

साहित्य

  • पांढरे तीळ

  • गूळ

  • तूप

  • ड्रायफ्रुट्स

  • वेलची पावडर

कृती

मोदक बनवण्यासाठी सर्वप्रथम तुपामध्ये मंद आचेवर हलके तीळ भाजून घ्या. यानंतर भाजलेले तीळ मिक्सरला छान बारीक करून घ्या. आता तिळामध्ये गूळ घालून विरघळेपर्यंत ढवळत रहा. त्यानंतर यात तुमच्या आवडीनुसार ड्रायफ्रुट्सची पावडर आणि वेलची पावडर घालावी. हे मिश्रण छान घट्ट एकजीव करून घ्या. आता हे मिश्रण मोदकाच्या साच्यात भरून मोदक तयार करून घ्यावे. स्वादिष्ट गोड तिळगुळाचे मोदक तयार झाले.

संकष्टी चतुर्थीला 'ही' कामे करू नये.

  • तुळशीची पानं तोडू नका.

  • मद्यपान करू नका.

  • विशेषतः संकष्टी चतुर्थीला पशु पक्षांना त्रास देऊ नये.

  • संकष्टी चतुर्थीला ब्राह्मणांचा आणि मोठ्यांचा अनादर करू नये.

  • संकष्टी चतुर्थीला खोटे बोलणे टाळावे. कारण यामुळे करिअर मध्ये अडथळे येऊ शकतात.

डिस्क्लेमर : सदर लेख फक्त सामान्य माहितीसाठी आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

श्रीमंत दगडूशेठ हलवाई गणपती विसर्जनासाठी सजला ‘श्री गणनायक’ रथ; केरळ मंदिराची प्रतिकृती पुण्यात उजळली पाहा मनमोहक VIDEO

Stress Relief Tricks : ऑफिसमध्ये काम करताना स्ट्रेस जाणवतोय? या ट्रिक करा फॉलो

Dnyanada Ramtirthkar: अवखळ हासरी, अल्लड लाजरी दिसते चंद्राची कोर साजरी ...

Pani puri masala recipe: घरीच बनवा पाणीपुरीच्या तिखट पाण्याचा सुका मसाला; एक चमचा पाण्यात घाला की काम झालंच

Anant Chaturdashi 2025 live updates : धाराशिवमध्ये जय मल्हार तरुण मंडळाने डीजेला बगल देत पारंपारिक पोतराज नृत्य सादर करत आपल्या बाप्पाची काढली मिरवणूक

SCROLL FOR NEXT