Laws for Smartphone Use : आजच्या काळत लहानांपासून ते वयोवृद्धांपर्यंत सगळेच फोनचा सर्रास वापर करताना दिसतात. लहान मुलांना तर फोनशिवाय जेवणाचा घासच गिळला जात नाही. फोनचा वापर करताना आपल्याला सगळेच दिसतात. परंतु, फोनबाबतचे नियम अगदी कमी लोकांना माहित आहे.

समस्या अशी आहे की फोनच्या योग्य वापराविषयी ज्ञानाचा अभाव आहे, ज्यामुळे आपण फोनमुळे खूप अडचणीत येऊ शकता. अशा परिस्थितीत फोनच्या वापराबाबत मूलभूत गोष्टींची काळजी (Care) घेतली पाहिजे, अन्यथा तुरुंगात जावे लागू शकते. याविषयी सविस्तर जाणून घेऊया..

1. फोनवर धमक्या देऊ नका

फोनवर (Phone) कुणालाही शिवीगाळ करू नका. तसेच जीवे मारण्याच्या धमक्या देऊ नयेत. कारण त्याचा पुरावा म्हणून वापर करता येतो. कोणी पोलिसात तक्रार केल्यास तुरुंगात जावे लागू शकते. तसेच मेसेज करूनही कोणालाही धमकावू नये.

2. सोशल मीडियाचा वापर जपून

फोनवर आंधळेपणाने काहीही शोधण्यासाठी सोशल मीडियाचा वापर करू नये. कारण काही गोष्टींवर सरकारने बंदी घातली आहे. एखाद्या देशात एखाद्या चित्रपटावर बंदी घातली गेली आणि तुम्ही त्याला प्राधान्य देत असाल तर तो गुन्हा मानला जातो. अशा स्थितीत त्या देशात काय कायदा आहे हे कळायला हवे. भारतात बलात्कार पीडितेचे नाव उघड करणे गुन्हा आहे. अशा परिस्थितीत बलात्कार पीडितेचे नाव सोशल मीडियावर टाकू नये.

3. दंगल घडवणे

सोशल मीडिया (Social media) किंवा कोणताही फोन दंगल भडकवण्यासाठी वापरू नये. तुम्ही फोन करून किंवा सोशल मीडियावर पोस्ट करून दंगल भडकावली तर तुमच्यावर देशद्रोहाचा गुन्हाही दाखल होऊ शकतो आणि तुम्हाला तुरुंगात जावे लागू शकते. यात तुम्हाला लवकर जामीनही मिळत नाही.

4. विनयभंग किंवा गैरवर्तणूक

परवानगीशिवाय फोटो काढून सोशल मीडियावर टाकणे गुन्हा आहे. असे केल्यास तुरुंगात वेळ घालवावी लागू शकते. तसेच, तुम्ही सोशल मीडियावरून कोणाला घाणेरडे मेसेज किंवा अश्लील मेसेज पाठवल्यास, त्या प्रकरणातही तुम्हाला तुरुंगात जावे लागू शकते.

5. कॉपीराइट कायद्या

कोणाचीही कला, चित्रपट, साहित्य आणि अॅप कॉपी करू नये. जर तुम्ही मूळ अॅप, पुस्तक, चित्रपट आणि कला स्वतःच्या फायद्यासाठी परवानगीशिवाय वापरत असाल तर तुमच्यावर कॉपीराइट कायद्याच्या उल्लंघनाचा गुन्हा दाखल होऊ शकतो आणि तुम्हाला तुरुंगात जावे लागू शकते.