Relationship Tips :

शाळा, कॉलेज किंवा ऑफिसमध्ये अनेक प्रेम प्रकरणे असतात. नातं कोणतेही असो, त्यात प्रेम, आपुलकी, जिव्हाळा हा अधिक असतो. तुम्ही भावनिकदृष्ट्या नात्यात अधिक जोडले गेले असाल तर आणि तुमच्या नात्याला तडा गेला असेल तर मानसिकतेवर परिणाम होतो.

तुम्ही अनेकवर्ष जोडीदारासोबत (Partner) एकत्र असलेल्या नात्यामधून अचानक बाहेर पडला असाल. तुम्हाला एकटे वाटत असेल तर असे असणे साहाजिक आहे. ब्रेकअपचा आपल्या शारीरिक आरोग्यासोबतच मानसिक आरोग्यावर (Mental Health) देखील परिणाम होतो. ज्यामुळे आपल्याला अनेक आजारांचा सामना करावा लागतो. या रिलेशनशीपचा (Relationship) सर्वाधिक त्रास पुरुषांमध्ये दिसून आला आहे.

एका इंग्रजी वृत्तपत्रांने दिलेल्या माहितीनुसार कोविड- १९ च्या काळात मानसिक आरोग्याच्या समस्या अधिक प्रमाणात पाहायला मिळाल्या होत्या. त्यावेळी बीएमसीने मानसिक आरोग्यावर मात मिळवण्यासाठी हेल्पलाइन तयार केली. त्यात मागच्या तीन वर्षापासून मुंबईसारख्या शहरातून १.१९ लाख लोकांचे कॉल आले आहेत. या हेल्पलाइनचा उद्देश तणाव, चिंता आणि नैराश्याचा सामना करणाऱ्या व्यक्तींना मदत करणे आहे.

यामध्ये ३८ टक्के लोक ब्रेकअप किंवा रिलेशनशीप, २४ टक्के लोक डिप्रेशन, २२ टक्के चिंता, ९ टक्के लोक तणाव आणि ७ टक्के लोक मनोरुग्ण आहेत. यामध्ये सर्वाधिक नोंद ही पुरुषांची केली आहे. स्त्रियांच्या तुलनेत पुरुषांना अधिक प्रमाणात मानसिक आरोग्याचा सामना करावा लागतो.

या संशोधनातून असे कळाले आहे की, मागच्या तीन वर्षात ६३ टक्के पुरुष आणि ३७ टक्के महिलांना मानसिक तणावाला सामोरे जावे लागते आहे. तसेच यामध्ये १८ पेक्षा कमी असणाऱ्या लोकांचे प्रमाण२७ टक्के, १८ ते २५ वयोगटातील लोकांचे प्रमाण ३१ टक्के, २६ ते ४० वयोगटात ३७ टक्के, ४१ ते ५५ वयोगटात ४ टक्के तर ५५ वर्षांपेक्षा जास्त वयोगटातील लोकांचे प्रमाण १ टक्के इतके आहे.

कमी वयात मानसिक तणावाचा शिकार झाल्यामुळे हृदयविकाराचा झटका, दमा, मधुमेह, रक्तदाब, सतत चिडचिड करणे, निद्रानाशाच्या समस्येला सामोरे जावे लागते. या मानसिक त्रासाचे सर्वाधिक कारण हे बेरोजगारी, जीवनशैलीतील बदल, नातेसंबंधातील संघर्ष, घटस्फोट आहे. तसेच जर तुम्हालाही मानसिक तणावावर मात करायचे असेल तर टोल फ्री क्रमांक १८००-१२०-८२००५० कॉल करता येईल. तसेच बीएमसीची ही सेवा २४x७ सुरु राहिलं असे देखील म्हटले आहे.