जर तुम्हाला कमी बजेटमध्ये मजबूत स्मार्टफोन हवा असेल, तर Realme Narzo N53 स्मार्टफोन तुमच्यासाठी सर्वोत्तम पर्याय ठरू शकतो. देशातील मोठ्या प्रमाणात लोक हा फोन 10 हजारांपेक्षा कमी किंमतीत खरेदी करत आहेत. कंपनीने स्वतः सोशल मीडियावर याची घोषणा केली आहे.
तुम्हीही स्वस्त फोन घेण्याचा विचार करत असाल, तर या फोनचा तुम्ही विचार करू शकता. हा फोन मोठ्या 6.74 इंच डिस्प्लेसह येतो आणि यात एक पॉवरफुल 50 मेगापिक्सेल कॅमेरा आहे. कंपनीने हा नवीन बजेट-फ्रेंडली स्मार्टफोन म्हणून मे मध्ये लॉन्च केला होता.
फोनची प्रारंभिक किंमत 8,999 रुपये
एका ट्विटमध्ये चीनी स्मार्टफोन कंपनी Realme ने घोषणा केली आहे की, Narzo N53 स्मार्टफोन 10,000 रुपयांपेक्षा कमी किंमतीच्या रेंजमध्ये देशातील सर्वाधिक विक्री होणारा स्मार्टफोन बनला आहे. या फोनच्या 4GB रॅम आणि 64GB स्टोरेजच्या वेरिएंटची किंमत 8,999 रुपये आहे आणि 6GB रॅम आणि 128GB स्टोरेज असलेल्या वेरिएंटची किंमत 10,999 रुपये आहे. (Latest Marathi News)
Realme Narzo N53 स्पेसिफिकेशन
Realme Narzo N53 मध्ये HD+ रिझोल्यूशन आणि 90Hz रिफ्रेश रेटसह मोठा 6.74-इंचाचा IPS LCD पॅनेल आहे. डिस्प्ले 450 nits पीक ब्राइटनेस आणि 180 Hz टच सॅम्पलिंग रेटला सपोर्ट करतो. फोन Unisoc T612 प्रोसेसरने सुसज्ज आहे. फोनमध्ये 6GB पर्यंत रॅम आणि 128GB पर्यंत स्टोरेज आहे. याशिवाय फोनमध्ये व्हर्च्युअल रॅमचा सपोर्टही उपलब्ध आहे.
हा फोन 33W फास्ट चार्जिंग सपोर्टसह 5000mAh बॅटरी पॅकसोबत येतो. तसेच हा फोन Android 13 वर आधारित Realme UI 4.0 वर काम करतो. फोटोग्राफीसाठी फोनमध्ये 50-मेगापिक्सेलचा प्रायमरी कॅमेरा आहे. तर सेल्फी आणि व्हिडिओ कॉलसाठी समोर 8-मेगापिक्सेल सेल्फी कॅमेरा देण्यात आला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.