मुंबई : कोरोनामुळे शरीराला अनेक नुकसान होतात. यातून बरे झाल्यानंतरही अनेक महिने त्याचा प्रभाव कायम राहतो. कोरोनामुळे शरीराचे असे अनेक नुकसान होत आहे ज्यातून सावरणे शक्य नाही. पोस्ट कोव्हिड रिकव्हरीबद्दल बोलताना लोकांना अनेक समस्यांचा सामना करावा लागत आहे. काहींना दीर्घकाळ अशक्तपणा जाणवत आहे, तर काहींना भूक न लागणे, केस गळणे यांसारख्या समस्यांना तोंड द्यावे लागत आहे. अशा परिस्थितीत योग्य आहार न घेतल्याने समस्या आणखी वाढू शकते (Post COVID-19 Diet Tips Do Not Have These Food During Corona Recovery Period).

आहाराची काळजी घेणे महत्त्वाचं

संशोधनानुसार, अनेक वेळा रिपोर्ट निगेटिव्ह आल्यानंतरही लक्षणे 68 दिवस टिकतात. संसर्ग निघून गेल्यावरही शरीराला पूर्वीच्या स्थितीत येण्यास वेळ लागतो. यासाठी चांगला आहार (Diet) आणि उत्तम जीवनशैली पाळणे आवश्यक आहे. अन्यथा, कोव्हिड (COVID-19) मधून बरे होऊन बराच काळ लोटल्यानंतरही व्यक्तीला अशक्तपणा आणि थकवा जाणवतो. अशा वेळी तुमची हरवलेली ऊर्जा परत मिळवण्यासाठी आहाराची काळजी घेणे खूप गरजेचे आहे.

काय काळजी घ्यावी -

💠कोव्हिडमधून बरे झाल्यानंतर काही महिने बाहेरचे अन्न (Food) खाणे टाळावे. बाहेरील अन्न शिळे असू शकते, त्यात अनेक रंग, रसायने किंवा भेसळयुक्त गोष्टी असू शकतात, ज्यामुळे रिकव्हरी स्टेजमध्ये तुमचे नुकसान होऊ शकते.

💠तसेच, पॅकेज फूड खाणे टाळावे. ते जास्त काळ टिकवण्यासाठी त्यात भरपूर प्रिझर्व्हेटिव्ह आणि केमिकल्स टाकले जातात. हे प्रक्रिया केलेले पदार्थ तुम्हाला खूप नुकसान देऊ शकतात.

💠कुकीज, केक, चॉकलेट्स, कार्बोनेटेड पेये, प्रक्रिया केलेले फळांचे रस किंवा भरपूर साखर असलेल्या गोष्टी खाऊ नका. कोव्हिड दरम्यान दिलेल्या औषधांमुळे अनेकांच्या रक्तातील साखरेची पातळी वाढली आहे. अशा परिस्थितीत जास्त साखर असलेल्या गोष्टी खाणे खूप हानिकारक ठरू शकते.

💠घरातील हलकेच अन्न खा. फक्त ताजे अन्न घ्या.

💠ट्रान्स फॅट प्रोडक्ट जसेकी डालडा, फ्रोझन पिझ्झा, तळलेले अन्न, समोसे इत्यादी खाणे टाळा. जे अन्न सहज पचते तेच खा.

Edited By - Nupur Uppal